မင်းကို ဆက်ချစ်ဖို့ပဲ ရွေးဖြစ်မှာပါ ... နာကျင်စေဦးတော့ ... မင်းကို လက်လွှတ်ဖို့ ဘယ်တော့မှ ရွေးမှာမဟုတ်ဘူး ။ ဘာကြောင့်ဆို ... ငါ့မှာ မင်းပဲ ရှိတာလေ မင်းကို လက်လွှတ်လိုက်ရင် မင်းကို အစပြုပြီး မှတ်ထားတဲ့ အိပ်မက်တွေကအစ ဟိုး ... မင်းပါတဲ့ အနာဂတ်တွေ အဆုံး အရာရာက ဇောက်ထိုးမိုးမျှော်တွေ ဖြစ်သွားမှာပေါ့ ။ မင်းကို ရင်နှင့်ရင်းပြီး ချစ်ခဲ့ရတာ ဘ၀နဲ့ရင်းပြီး မျှော်လင့်ခဲ့မိတာ ပြီးတော့ အရာရာနဲ့ လဲပြီး ချစ်ခဲ့ရတာမျိုးမို့ ... လွယ်လွယ်လေးနဲ့ လက်လွှတ်လိုက်ဖို့ ဘယ်တော့မှ မတွေးဘူး ။ ပစ်ထားဦးနော် ... အတင်းကြီးမဟုတ်တောင် မရမက ကိုယ့်ဖက်က ဆက်သွယ်နေမိမှာ သေချာပါ ... ပြီးတော့ ကိုယ်မမှားလဲ မင်းကို တောင်းပန်နေမိမှာ သေချာပါတယ် ။ နာတတ်တဲ့ စိတ်တွေဟာ ချစ်တတ်တဲ့ စိတ်တွေကိုမှ ကျော်မှ မကျော်နိုင်ပဲဟာ မာနဆိုတာလဲ မင်းနဲ့တွေ့ရင် အရည်ပျော်ကျသွားရတဲ့ အရာလေးပဲလေ ။ ဘာမှ ထူးဆန်းမနေပါဘူး ပြီးတော့ မင်းကို ချစ်လို့ ဖြစ်တဲ့ အရာတိုင်းက အမှားမဟုတ်ဘူးလေ ... ကိုယ်ကျေနပ်တဲ့ ပေးဆပ်မှုတစ်ခုပါပဲ ။ နောင်တဆိုပြီး ဘယ်တော့မှ ရှိလာမှာမဟုတ်သလို မင်းကို လက်လွှတ်လိုက်ဖို့လဲ ဘယ်တော့မှ တွေးမှာမဟုတ်ဘူး ။ အဲ့တာတော့ အသေအချာပါပဲ ။ ဘယ်လောက်ပဲ ခက်ခဲနေပါစေ မင်းကို ဆက်ချစ်ဖို့ပဲ ရွေးနေဦးမှာ ။ ထားသွားတော့မယ်လို့ တွေးမိရင်လေ ... အတိတ်ကို ခဏလောက် ပြန်ငေးကြည့်ပေးနော် ... အရင်တုန်းက ငါ နဲ့ အခုလက်ရှိ မင်းဘေးနားမှာ ရပ်နေတဲ့ ငါ ဘာများကွာခြားသွားလဲ တစ်ချက်ပြန်တွေးကြည့်ပေးနော် ... အပေါင်းအသင်းတွေ အများကြီး ရှိခဲ့တဲ့ ကိုယ်ကလေ ... အခု မင်းကလွဲပြီး တခြား ဘယ်အရာမှ ရှိမနေတော့ဘူး ။ အိပ်မက်တွေ အများကြီး မက်တတ်တဲ့ ကိုယ်က မင်းမပါပဲ ဘယ်အိပ်မက်မှ မမက်တတ်တော့ဘူး ။ မျှော်လင့်ချက်တွေ အများကြီး ရှိခဲ့ဖူးတဲ့ ကိုယ်က မင်းမှ မရှိတော့ရင် ဘယ်အရာကိုမှ မျှော်လင့်တတ်တော့မှာ မဟုတ်ဘူး ။ ငါရဲ့ ကမ္ဘာဟာ မင်းကိုပဲ ဗဟိုပြုပြီး လည်ပတ်နေတာနေတာမျိုးမို့ မင်းမှ မရှိတော့ရင် ... အရာရာဟာ ကမောက်ကမ ဖြစ်သွားခဲ့မှာ ။ ဒါကို နားလည်ထားရင် ရပါတယ် ။ အများပြီး မချုပ်ခြယ်ဘူး အများကြီး မကန့်သတ်ထားဘူး ငါနဲ့ ဝေးရမယ့်လမ်းကို မရွေးရုံနဲ့တင် အဆင်ပြေပါတယ် ။ ကတိတွေ အများကြီးလဲမတောင်းချင်ဘူး တောင်းလဲ မတောင်းဖြစ်ပါဘူး ... ဒါပေမယ့် ငါ့ကို ဘယ်တော့မှ ခွဲမသွားဘူးဆိုတဲ့ ကတိလေးတစ်ခုတော့ တည်စေချင်တယ် ။ နာကျင်ပါစေ ပြီးတော့ မျက်ရည်တွေ အများကြီးကျစေပါစေ ... လမ်းခွဲရအောင်ဆိုတဲ့ စကားဟာ ဒီနှုတ်ဖျားက ဘယ်တော့မှ ထွက်ကျလာမှာမဟုတ်သလို နောက်ဆုံးအချိန်ထိ မင်းကိုပဲ ဆက်ချစ်ဖို့ ရွေးဖြစ်မှာပါ ... #fyp #foryou #fypシ #fypシ゚viral #fyppppppppppppppppppppppp - @kaung77954