@dr_rehab_helmy: إحساسك مفهوم جدًا… ومش مبالغة اللي حصل مش موقف عادي ده كسر جواكي إحساس الأمان فطبيعي جدًا إنك تحاولي “تتأكدي” كل شوية بس خليني أكون صريحة معاكي بلطف: السؤال المتكرر بيطمنك لحظة… لكن بيرجّع القلق تاني بسرعة فبتدخلي في دايرة: قلق ثم سؤال ثم راحة مؤقتة ثم قلق من تانى 😔 وده مرهق ليكي جدا ومرهق للعلاقة كمان علشان كده الحل مش إنك تسألي أكتر الحل إننا نشتغل على إحساس الأمان جواكى انك تحاولى ترجعيه من تانى اعملي إيه بدل كده؟ اعترفي لنفسك: “أنا مش بس بشك… أنا موجوعة” لما تيجي تسألي… وقفي لحظة واسألي نفسك: “أنا محتاجة إيه دلوقتي؟ طمأنة؟ ولا أمان حقيقي؟” خلي في اتفاق واضح بينكم: بدل ما تسألي كل شوية يبقى في مساحة صريحة وثابتة للكلام ركّزي على أفعاله مش كلامه هل في تغيير؟ هل في شفافية؟ و أهم نقطة هى : مش دورك تراقبيه علشان تطمني دوره هو إنه يثبتلك بالأفعال إنك تقدري تثقي تاني “الثقة ما بترجعش بالسؤال… بترجع لما قلبك يحس بالأمان من تكرار الأفعال” وإنتى مش محتاجة تضغطي على نفسك علشان تعدّي بسرعة لكن كمان مش محتاجة تفضلي في دايرة القلق لوحدك التعافي من الخيانة محتاج وقت ومحتاج طريقة صح… مش بس صبر #dr_rehab_helmy #تعافى_علاقات_سامة #تعافى_من_الخيانه #الخيانه #علاقات_زوجية