@dhamays014: sheekaysanayseen, haddii uu guur kuu soo bandhigay oo uu rabo in uu dhowaan ku soo doono, maxaa dhiboo jira?” ayaan weydiiyay. “Arrin baa jirta aan isku mari la’ nahay.” “Arrin maxaya?” “Wuxuu yiri wuxuu rabaa in aan shaqeeyo oo biilka, shaqada guriga, iyo wax walbaba aan si isle’eg u kala qaybsanno. Guriga joog oo shaqo iyo waxbarashaba jooji oo wax alla waxaad riyo iyo han lahayd qub kuwa dhaha uun baan iska ilaalinayee, maanaaba noocan meesha soo dhigtay” ayay Nasra tiri. Intaan qoslay ayaan iri, “Maxaa tiri ? Oo noocanna goormay innagu soo biireen? Waaba kud ka guuroo, qanja u guure. Wallee Soomaalidu waa sunta hargaha! Waa cirif xun ka guuroo, cirif kaloo xun u guur. Bal maxaa u diiday in ay dhexda iska degaan. Maxaa u diiday in gabadhu qofka ay tahay iyo waxa ay nolosha ka rabto ay la fahmaan oo ay reerkooda si wanaagsan u wada dhaqdaan? Maxaa u diiday in la isu la shaqeeyo qaab qof walba hadafkii uu nolosha ka lahaa iyo riyadiisa uu ku gaari karo, iyada oo aan xiriirkii la burburin. Maxaad samaynaysaa marka?” “Wallaahi ma garanyo. Waan jeclahay oo waa inan wanaagsan oo aan nolosha rabo in aan la qaybsado, laakiin nin masuuliyaddii Ilahaay saaray aan rabin in uu qaato oo raba in uu ila ficiltamo sidee ayaan nolosha u la qaybsan karaa? In aan wax barto, adduunkana wax ku soo kordhiyo, adduun iyo aakhiradaydabana aan u shaqaysto, ubadkayga iyo reerkaygana aan dhaqdo ayaan rabaa. Ma rabo in aan kala doorto qaybaha noloshayda. "Lacag macnaba ma lahan oo naftaydi oo dhan ayaanba rabay in aan ku aamino, balse qof sidaa ii la ficiltamaya oo dagaal iyo iska celi ku jira, sidee ayaan ula noolaan karaa oo naftayda iyo mustaqbalkayga ugu aamini karaa? Berri ka maalin markaan shaqayn waayo ama aan damco in aan waqti badan ilmahayga siiyo, naa biilka barkaagi keen hadduu yiraahdo, yaa ii Islaama?” ayay tiri iyada oo murugo wajigeeda ka muuqato. Waa xaalad adag, Ilaahay ha idiin fududeeyo oo wixii khayrku idiin ku jiro ha idin ku guuleeyo. Runtii waa fikir khatar badan wata, umana malaynayo labo qof oo saasoo dhan u xisaabtamaya, ficiltanna ku jira, in gurigoodu raagayo. Fikirkani wuxuu qayb weyn ka yahay sababaha waddankan furriinku aadka ugu badan yahay. Tiro ahaan marka la eego, dadka isqaba iyo dadka isfuray waxaa badan dadka isfuray, oo reeraha in yar baaba ka dhaqan. Labada qof waa in ay isu arkaan in ay isku koox yihiin, in ay isku doon saaran yihiin, in ay isku dan yihiin, oo weliba horumarka mid uu yahay horumarka midka kale. Haddiise xisaabtanku halkaa gaadho, waa dhibaato. "Labada qof waa in ay isku fahmaan qaabkii waxyaalaha daruuriga ah loo wada qabsan lahaa oo si wanaagsan loo wada noolaan lahaa, qof kastana uu ku dadaali lahaa sidii uu qofka kale culayska nolosha uga fududayn lahaa, oo la isugu samri lahaa. Armaysan run ka ahayn ee uu kugu dayayaa? Nimanka qaar baa qaabab kala duwan isku daya in ay gabadha lugaha uga xiraan oo ay guriga fariisiyaan ayagoo og in aysan rabin in ay guriga uun fadhido. Waxaa laga yaabaa in uu rabo marka aad arrinkan ka diiddo in uu rabo in uu ku dhaho, waayahee aqalka fadhi anaa biilasha ku qaybayee?” ayaan ugu jawaabay. “Qurbaha ayuu ku dhashay oo uu ku koray, reerkooduna maaha reer dhaqankii Soomaaliyeed wax saasa ka haysta. Dhab bay ka tahay oo xataa gabbaatigii baan si kasta yeelay oo aan ka dhaadhicin waayay! Ku yee maxaan reerkiinna lacag u siinayaa, miyaan ku iibsanayaa?” ayay Nasra tiri iyadoo yaab la qoslaysa. Intaan qoslay baan ku iri, “Nasraay adaaba wax arkay! Balaayaaba lagu tusay illeen! Ma dhaqancelinnaayoo, waddankii sannad iyo xoogaa bal orod aadoo Soomaali soo noqo ma ku dhahnaa?!” Nasra inta qosol ku dhufatay ayay tiri, “Dee walaal ma nin weynoo gar iyo gafuur leh baan saacaddaa dhaqancelin u kaxayn karaa? Kuwuu dhalaan ka yaabbanahay sida ay noqon doonaan! ebyan i.o qabten igu jeclahay,,

dhamays❤🦋

Open In TikTok:

Region: SO

Thursday 30 April 2026 19:35:06 GMT