@jacylooow: Waxa aan galay nolol u eg god madow oo aan iftiin lahayn. Maalin kasta waxa ay ila noqotaa sidii aan ku socdo jid aan lahayn meel uu ku dhammaado. Cabsi ayaa dhinac kasta iga hareeraysay mid aan la arki karin balse la dareemi karo, mid qalbiga ku cadaadinaysa oo fikirka xannibaysa. Mararka qaar xitaa waxaan is waydiiyaa: goormay sidan noqotay? Waxaan iska illoobay wax la yidhaahdo kalsooni. Kalsoonidii naftayda, kalsoonidii aan dadka ku qabay labaduba way iga lunteen. Dadkii aan u haystay inay yihiin kuwa i fahmaya, kuwa i garab istaagaya, ayaa isu beddelay si la mid ah sida ay maalmahu isu beddelaan mar cadceed, marna daruur madow. Isbeddelkooda ayaa i baray cashar adag: in qalbiga la furo uu mararka qaar noqon karo dhaawaca ugu weyn. Hadda waxaan ahay qof ka fiirsada tallaabo kasta, ka baqaya inuu mar kale qalbigiisa u dhiibo cid aan mudnayn. Waxaan bartay in kalsoonidu aysan ahayn wax si fudud loo siiyo qof walba, balse ay tahay hanti qaali ah oo u baahan in si taxaddar leh loo ilaaliyo. Si kastaba ha ahaatee, gudaha qalbigayga waxaa weli ku jira hadh yar oo rajo ah rajo ii sheegaysa in aanan sidan ku sii jiri doonin. In kasta oo aan hadda ku jiro mugdi, haddana waxaan ogahay in iftiin jiro, xitaa haddii uu fog yahay. Nololdu ma aha hal waji oo keliya, sida ay dadku isu beddelaanna, sidaas oo kale ayay maalmo wanaagsan u iman karaan. Waxaan isku dayayaa inaan dib u helo naftayda si tartiib ah, talaabo talaabo. Inaan dib u barto kalsoonida, inaan fahmo in qof walba uusan ahayn kii i dhaawacay. Waa safar adag, laakiin waa mid aan diyaar u ahay inaan maro… sababtoo ah waxaan ogahay inaan mudanahay nolol ka wanaagsan cabsi iyo kalinimo.#qalbijabmucashaq12 #foryoubage11part1 #qalinkiimucaashaq

𝐌𝐮𝐜𝐚𝐚𝐬𝐡𝐚𝐪🤎

Open In TikTok:

Region: SO

Friday 01 May 2026 08:25:04 GMT