کبھی غور کیا ہے؟ جب کسی کو عدالت میں پیش کیا جاتا ہے تو وہ خود کم بولتا ہے، اس کا وکیل بولتا ہے… وہ وکیل جو اس کا مقدمہ سمجھتا ہے، اس کے حق میں دلائل دیتا ہے، اور اسے انصاف دلانے کی پوری کوشش کرتا ہے۔ بالکل اسی طرح زندگی بھی ہمیں کئی بار ایسی عدالتوں میں کھڑا کر دیتی ہے جہاں لوگ ہم پر فیصلے سنانے لگتے ہیں… الزامات، باتیں، غلط فہمیاں… سب کچھ ہمارے خلاف ہوتا محسوس ہوتا ہے۔ ایسے وقت میں انسان چاہتا ہے کہ وہ ہر بات کا جواب دے، ہر الزام کا دفاع کرے… مگر ہر بات کا جواب دینا ضروری نہیں ہوتا۔ کبھی کبھی خاموشی سب سے مضبوط جواب ہوتی ہے… اور سب سے بڑا سہارا وہ ذات ہوتی ہے جو سب کچھ دیکھ رہی ہوتی ہے، سب کچھ سن رہی ہوتی ہے، اور دلوں کے حال سے بھی واقف ہوتی ہے۔ جب لوگ تمہیں سمجھنے کے بجائے تمہیں جج کرنے لگیں، جب تمہاری سچائی بھی تمہارے خلاف استعمال ہونے لگے، جب تم تھک جاؤ اپنی صفائی دیتے دیتے… تب اپنے دل کو بس ایک بات سمجھا دینا: میرا وکیل سب سے طاقتور ہے… میرا وکیل وہ ہے جو کبھی ہارتا نہیں… "حَسْبُنَا اللّٰهُ وَنِعْمَ الْوَكِيلُ" (اللہ ہمارے لیے کافی ہے اور وہی بہترین کارساز ہے) پھر دیکھنا، دل کا بوجھ خود بخود ہلکا ہو جائے گا، اور تمہیں ہر جواب دینے کی ضرورت محسوس نہیں ہوگی… کیونکہ تم نے اپنا مقدمہ اس کے حوالے کر دیا ہے جو سب سے بڑا منصف ہے۔ #fyp #foryoupage❤️❤️ #broken #viral #unfreez - @itsthemghere