@zbc_zanzibar: Rais wa Zanzibar na Mwenyekiti wa Baraza la Mapinduzi, Mhe. Dkt. Hussein Ali Mwinyi, ametangaza kuongeza kwa kima cha chini cha mshahara kutoka Shilingi 300,000 hadi Shilingi 500,000 kwa watumishi wa serikali . Utekelezaji wa uamuzi huo utaanza katika robo ya tatu ya mwaka mpya wa fedha. Aidha, Rais amesema nyongeza za mishahara zitahusisha ngazi zote za wafanyakazi, kulingana na taratibu zitakazotangazwa baadaye. Katika hotuba yake, Rais Mwinyi amewapongeza wafanyakazi kwa mchango wao mkubwa katika ukuaji wa uchumi na ongezeko la uzalishaji, na kuahidi Serikali kuendelea kuboresha maslahi yao hasa wafanyakazi wanaohudumia vijijini na visiwa vidogo kwa lengo la kuongeza ufanisi wa kazi. Vilevile, ametoa wito kwa wafanyakazi kuendelea kufanya kazi kwa bidii, nidhamu na uzalendo, ili kuchochea maendeleo endelevu ya Zanzibar. Rais Mwinyi ameyasema hayo leo wakati wa maadhimisho ya Siku ya Wafanyakazi Duniani (Mei Mosi) yaliyofanyika Dole, ambapo alikuwa mgeni rasmi. #ZBCUpdates

ZBC Zanzibar

Open In TikTok:

Region: TZ

Friday 01 May 2026 11:11:33 GMT