*SIMAI AISHAURI SERIKALI ZAN ID ITUMIKE KUSAJILIA LAINI ZA SIMU* Mbunge wa Bunge ka Jamhuri ya Muungano wa Tanzania kupitia Baraza la Wawakilishi Zanzibar ambae ni Mwaakilisji Jimbo la Tunguu, Simai Mohamed Said, ameishauri Serikali kuruhusu matumizi ya Kitambulisho cha Mzanzibar Mkaazi katika usajili wa laini za simu ili kupunguza usumbufu kwa wananchi ambao bado hawajapata kitambulisho cha NIDA. Akichangia mjadala wa bajeti ya Wizara ya Mawasiliano na Teknolojia ya Habari Tanzania katika Bunge la Jamhuri ya Muungano wa Tanzania, wakati wa Bunge la 13, Mkutano wa Tatu, Kikao cha 20 kilichofanyika Dodoma, Simai amesema kuwa wananchi wengi hasa Zanzibar wanapata changamoto kubwa kusajili laini kutokana na kukosa vitambulisho vya NIDA ambavyo kwa sasa vinahitajika kisheria. Amesema kuruhusu matumizi ya Kitambulisho cha Mzanzibar Mkaazi kutasaidia kuondoa adha hiyo na kuwezesha wananchi wengi zaidi kupata huduma za mawasiliano bila vikwazo visivyo vya lazima. Katika mchango wake, Mbunge huyo pia ameitaka Serikali kutoa ufafanuzi kuhusu mgawanyo wa mapato yatokanayo na sekta ya mawasiliano, akitaka kuelezwa wazi namna Zanzibar inavyonufaika na mapato hayo ndani kupitia Mitandao ya simu. Amehitimisha kwa kusisitiza kuwa maboresho katika sera na mifumo ya mawasiliano yataongeza upatikanaji wa huduma kwa wananchi na kuchochea ukuaji wa uchumi, hususan katika maeneo ya visiwa vya Zanzibar. - @asam.media.group