အချစ်ရေးမှာလေ ယောက်ျားလေးရော မိန်းကလေးရော နှစ်ယောက်လုံးအတွက် အသုံးဝင်တဲ့နည်းက တခြားသူကို ကိုယ့်ကိုထက် ပိုမချစ်ဖို့ဘဲ။ကိုယ့်ကို ချစ်ဖို့ မေ့သွားတဲ့အခါ အရာအားလုံးက နေရာမမှန် ဖြစ်သွားလိမ့်မယ်။ လိုင်းပေါ်ကနေ ဒီစကားကို ဖတ်မိတယ်။“ဘဝမှာ ကိုယ့်ကိုထက် သူစိမ်းကို ပိုချစ်မိသွားရင် ဘဝက အဲမှာ စလွဲတာပဲနော်”တဲ့။တချို့က တစ်ဖက်လူကို ချစ်ရင်းနဲ့ ကိုယ့်ဘဝကို ပျောက်ဆုံးသွားကြတယ်။အများအားဖြင့် ချစ်မိသူရှိသွားရင် ကိုယ့်ကို ချစ်ဖို့ မေ့သွားတတ်တယ်။ ကိုယ်တို့ ဘဝမှာ ချစ်ဖို့ ထိုက်တန်သူ ရှိသလို ချစ်ဖို့ မထိုက်တန်တဲ့သူလည်း ရှိတယ်။သိပ်ချစ်မိတော့ ငါ့အချစ်နဲ့ ပြုပြင်နိုင်မှာပါထင်ပြီး ရှေ့ဆက်တိုးတယ်။အဆုံးသတ်မှာ မဖြစ်နိုင်မှန်းသိတော့ ပူလောင်ရတာက ကိုယ်ပဲဆိုတာ သိရတယ်။ လူတစ်ယောက်ပြောင်းလဲချင်အောင် ဘယ်သူကမှ ပြုပြင်ပေးလို့ မရဘူး။ကာယကံရှင် ကိုယ်တိုင် စိတ်ဆုံးဖြတ်ချက် ချလိုက်မှသာ ပြုပြင်နိုင်တယ်။ တကယ်ဆို ချစ်သူရှိသွားရင် ကိုယ့်ဘဝကို ပိုပြီး ဂရုတစိုက်ရှိရတယ်။ ဒီအချိန်က တခြားသူကို ပိုချစ်သွားနိုင်လို့ပါပဲ။ချစ်ပါ ဒါမဲ့ ကိုယ့်ဘဝကို မေ့သွားတဲ့အထိတော့ မချစ်ရဘူး။ ကိုယ့်ဘဝနဲ့ကို နေထိုင်ပါ။လုပ်စရာရှိတာ လုပ်ရတယ်။တိုးတက်ရေးအတွက် လုပ်ရတယ်။အချိန်ပေးသင့်တဲ့အရာကို ပေးရတယ်။အလှအပ ဂရုစိုက်ရတယ်။အိပ်ချိန် မှန်ရတယ်။အစား ပုံမှန် စားရတယ်။ ချစ်သူကိုလည်း ချစ်သလို မိမိကိုယ်ကိုလည်း ချစ်ပေးရတယ်။ ဘာကြောင့် ချစ်ဖို့ လိုလဲဆိုရင် self love မရှိတဲ့သူက အချစ်ရေးမှာ ကြာလာတဲ့အခါ ကိုယ့်ကို အားမရတာ၊သိမ်ငယ်စိတ်တွေ၊စိတ်ဓာတ်ကျတာတွေ ခံစားလာတယ်။ ပြောရရင် ကိုယ့်ဘဝကို ပျောက်ဆုံး နေသလို ဖြစ်တယ်။ဒီတော့ ဘယ်လောက်ပဲ ချစ်နေပါစေ အဆင်မပြေနိုင်ဘူး။နားလည်မှု လွဲတာ၊ညှိမရတာတွေ ခဏခဏ ဖြစ်လာတယ်။တစ်ဖက်ကို ကိုယ့်အချစ်တွေ ပုံပေးပြီး ကိုယ်ကကျ ဘာမှ မရသလို ခံစားရတယ်။ ဒီအချစ်ရေးမှာ မမျှတော့ဘူး။ တစ်ဖက်က အလေးချိန်ပိုများသွားရင် အဆင်မပြေတော့ပါဘူး။ ညီတူညီမျှ ဖြစ်ရင်လည်း အဆင်မပြေဘူး။သိပ်မကွာတာပဲ အကောင်းဆုံးပါ။ အချစ်ကြောင့် မနာကျင်ရဖို့ဆိုရင် သူစိမ်းကို ကိုယ့်ကိုထက် ပိုမချစ်လိုက်ပါနဲ့။ #နူးနူးအောင် #fyp #foryou #tiktok - @ladyeaint17