Астанада екі бойжеткен қоғамдық орындарды ластағаны үшін жауапқа тартылды. Әсерлі контент жасау мақсатында олар шампан бөтелкелерін атып, туған күндерін атап өткен. Елордада қоғамдық тәртіпті бұзудың екі дерегі анықталып, видео авторларына айыппұл салынды. «Аталған екі дерек бойынша құқық бұзушылар ортақ пайдаланылатын орындарды ластағаны үшін әкімшілік жауапкершілікке тартылды. Жиналған материалдар сотқа жолданды. Мұндай әрекеттерге жол берілмейтінін ескертеміз. Бұл тек заң бұзу ғана емес, сонымен қатар айналадағы адамдарға, коммуналдық қызметкерлердің еңбегіне және елорда тұрғындарына құрметсіздік таныту болып табылады. Осындай құқық бұзушылықтардың алдын алу шаралары жалғасады», – деп хабарлады Астана қалалық полиция департаменті. Сіз қалай ойлайсыз? - @adyrnakz