@thetruthspeaks08: Hindi tao, pastor, pari, o sariling opinyon ang may karapatang magsabi kung sino talaga ang sa Dios at alin ang tunay Niyang iglesia—ang Dios mismo ang nagsasalita sa pamamagitan ng Kaniyang salita. Sinabi ng Panginoon: “Datapuwa’t ang matibay na pinagtibayan ng Dios ay nananatili, na may tatak na ito, Nakikilala ng Panginoon ang nangasa kaniya…” (2 Timoteo 2:19) Ang Dios mismo ang nakakakilala sa Kaniyang bayan. Hindi base sa dami ng miyembro, laki ng gusali, o tradisyon ng relihiyon, kundi sa katotohanan at pagsunod sa Kaniyang salita. Sinabi ni Cristo: “Sa akin ngang iglesia…” (Mateo 16:18) Iisa ang tunay na itinayo ni Cristo, hindi maraming magkakaibang doktrina ng tao. At ang iglesiang iyon ay tinubos Niya ng Kaniyang dugo: “…ang iglesia ng Dios, na binili niya ng kaniyang sariling dugo.” (Gawa 20:28) Kaya malinaw sa Biblia ang pangalan: IGLESIA NG DIOS. Hindi tayo dapat sumunod sa utos o aral na gawa lamang ng tao: “Nguni’t walang kabuluhan ang kanilang pagsamba sa akin, Na nagtuturo ng kanilang pinakaaral ang mga utos ng mga tao.” (Mateo 15:9) Kapag tradisyon lang ng pastor, pari, o relihiyon na wala namang batayan sa Biblia, walang kabuluhan iyon sa harap ng Dios. Ang tunay na lingkod ng Dios ay nagsasalita ayon sa kasulatan: “Kung sinasalita ng sinoman, ay gaya ng mga orakulo ng Dios…” (1 Pedro 4:11) Ibig sabihin, kung mangangaral ka, Biblia ang batayan—hindi sariling interpretasyon. Babala rin: “Huwag kayong magsihigit sa mga bagay na nasusulat…” (1 Corinto 4:6) Kaya kung wala sa Biblia, huwag dagdagan. Kung wala sa nakasulat, huwag paniwalaan. Ang tunay na iglesia ay nakikilala sa pakikinig sa tinig ng Dios: “Dinirinig ng aking mga tupa ang aking tinig…” (Juan 10:27) Ang tunay na sa Dios ay sumusunod kay Cristo ayon sa Biblia, hindi sa opinyon ng tao. Kaya ang tanong ay hindi “Anong sabi ng pastor?” o “Ano ang tradisyon?” kundi “Ano ang sabi ng Dios sa Biblia?” Sapagkat: “Ang salita mo’y katotohanan.” (Juan 17:17) Ang tunay na iglesia ay hindi pinatutunayan ng tao—pinatutunayan ito ng Dios sa pamamagitan ng Kaniyang salita. Kaya ang hanapin ay ang Iglesia na nasa Biblia, may pangalang Iglesia ng Dios, sumusunod kay Cristo, at hindi lumalampas o kumukulang sa banal na kasulatan. Ang kaligtasan ay nasa katotohanan ng salita ng Dios, hindi sa imbensiyon ng relihiyon ng tao. #CapCut #AngDatingDaan #MCGI #FaithInGod #BroEliSoriano

🇮🇹~Bradz_Zii~🇵🇭

Open In TikTok:

Region: IT

Saturday 02 May 2026 18:31:15 GMT