@user8262075468101: Баткен районунда сел жүрүп, жарандарды коопсуз жайларга эвакуациялоо иштери жүрүүдө Бүгүн, 2-май күнү жааган нөшөрлүү жаандын кесепетинен,саат 19:30дар чамасында Баткен облусунун Баткен районундагы Ак-Татыр, Самаркандек айыл аймактарында жана Кадамжай районунун Майдан айыл аймагында сел жүрдү. Алдын ала маалыматтарга ылайык, Баткен районунун Ак-Татыр айыл аймагындагы айрым турак үйлөргө жана короо-жайларга сел суулары кирген. Учурда Ак-Татыр айылынын Аэропорт участкасынын, Өрүкзар жана Үч-Дөбө айылдарынын тургундарын коопсуз аймактарга эвакуациялоо иштери жүргүзүлүүдө. Эвакуациялоо иштерине Өзгөчө кырдаалдар министрлигинин Самаркандек айылындагы №31 Өзгөчө кырдаалдар бөлүмүнүн өздүк курамы тартылган. Кадамжай районун Майдан айыл аймагында келген сел,турак үйлөргө жана жарандарга зыяны тийген эмес. Сел жүргөн аймактарда райондук мамлекеттик администрациялардын жетекчилери, ӨКМдин аймактык бөлүмдөрүнүн жетекчилиги жана куткаруучулар ыкчам иш алып барууда. Кыргыз Республикасынын Президентинин Баткен облусундагы ыйгарым укуктуу өкүлү Мамыржан Рахимов жеринде кырдаалга көз салып, жарандык коргонуу кызматтарына ыкчам чараларды көрүү, жарандардын өмүрүнө жана коопсуздугуна коркунуч жаралуусунун алдын алуу боюнча тиешелүү тапшырмаларды берди. Учурда жеринде керектүү атайын техникалар тартылып, селдин кесепеттерин жоюу жана коопсуздукту камсыздоо боюнча иштер улантылууда. КРнын Президентинин Баткен облусундагы ыйгарым укуктуу өкүлүнүн басма сөз кызматы

Замирбек Тойчубаев

Open In TikTok:

Region: KG

Saturday 02 May 2026 18:52:32 GMT