Кей үнсіздікте көп нәрсе айтылғандай болады. Мұхтар Шаханов атамның бұл жердегі үнсіздігі — күллі қазақ ұлтының тарихи-әдеби қилы түрлі кезеңдерінің тұзағынан қан жоса болып, қаусаған бейнесін алып шыққандай әсер қалдырады. Қазақ ұлтының тектілігін тексіздерге тайға таңба басқандай анық көрсетіп тұр. Бұл — үнсіздіктің өзі сөйлеген, рухтың өзі айқайлаған сәт. ШАХАНОВ және ЖАС ҰРПАҚ Мұхтар Шаханов дүниеден озды. Бұл - қазақ руханиятына түскен салмақ. Иә, адам баласы бұл дүниеге келеді, кетеді - бұл заңдылық. Бірақ әркімнің өмірі бірдей емес. Бірі үнсіз өтеді. Бірі із қалдырады. Ал енді бірі - тұтас ұлттың жадында қалады. Шаханов - сол үшінші санаттан! Кеңес заманында өскен ұрпақ, «Төрт ананы» жатқа айтып өсті. Бұл жай өлең емес - біздің ішкі кодымыз, ұлттық санамыздың тірегі болды: - туған жер, - туған тіл, - салт-дәстүр, - тарих. Бүгін осыны айту оңай. Бүгін бұл - тренд. Ал сол кезде ше? Сол кезде мұны айту - батылдық еді. Ал оны халықтың жүрегіне жеткізу - тек Шахановтай РУХты ақынның қолынан келді! РУХ ол - ұран емес. РУХ - ұлттың тірі қалу қабілеті. Шаханов сол рухты оятты, сол рухты сақтап қалды. Ол кісінің тәні жер қойнына тапсырылады. Бірақ РУХ көмілмейді! Оның жырлары - бүгінгі жас ұрпақпен бірге өмір сүріп жатыр. Ертең де өмір сүре береді. Сондықтан бұл жерде “қоштасу” сөзі орынсыз. Шаханов кеткен жоқ! Өйткені шын мәнінде өлмейтіндер болады. Олар - халықтың рухына айналғандар. Өмір сүрсең - Шахановша өмір сүр! #рекомендации #МұхтарШаханов #врек #ақынжүрек #тінәліәбирбек #sanjar - @_sanjar_001