@nutritionist_mai_gamal: فيه شوية علامات بتقول إن جسمك فيه الهرمونات بايظة : ١- وزن بيزيد أو بينزل بدون سبب بتاكلي نفس أكلك… وفجأة الجسم بيخزن دهون خصوصًا البطن 👉 غالبًا له علاقة بـ مقاومة الإنسولين أو ارتفاع الكورتيزول ٢- تعب طول الوقت حتى بعد النوم بتنامي كويس بس تصحي مرهقة؟ و ده ممكن يكون خلل في الغدة الدرقية أو الكورتيزول ٣- حب شباب مش طبيعي مش مجرد حبوب عادية… لا دي في مناطق معينة زي الذقن والفك و ده غالبًا مرتبط بزيادة الأندروجينات (هرمونات ذكورية) ٤- البيريود مش منتظمة أو مؤلمة جدًا تتأخر / تختفي / أو ألم مش طبيعي دي علامة على خلل هرموني زي مثلاً متلازمة تكيس المبايض PCOs ٥- تقلبات مزاج حاده مرة تمام ومرة مش طايقة حد 😅 الإستروجين والبروجسترون لما يلعبوا… المزاج يبوظ و الدنيا كلها بتبوظ ٦- جوع مستمر أو craving سكر مش جوع عادي… نفسك في سكر طول الوقت غالبًا الإنسولين خارج السيطرة ٧- صعوبة في النوم أو أرق مش عارفة تنامي أو بتصحي كتير الكورتيزول عالي بالليل بدل ما يكون منخفض و ممكن الميلاتونين ( هرمون النوم ) بكون قليل ٨- برودة أو سخونية غير طبيعية بتحسي ببرد طول الوقت أو حرارة زيادة قد تكون علامة على مشاكل في الغدة الدرقية ٩- انخفاض الرغبه الجنسبه و هنا طبعاً الهرمونات الجنسية مش متوازنه 🕹️🕹️ تروحي لدكتور تخصص إيه ؟ دكتور باطني و سكر و غدد صماء ده رقم 1 لأي مشكلة هرمونات (سكر – غدة درقية – كورتيزول – مقاومة إنسولين… كله هنا) لو المشكلة مرتبطة بالبيريود أو التكيسات: دكتور نساء وتوليد 🧠 لو الأعراض مزاجية أو النوم بايظ: يبقا الطب النفسي هو الحل 👉 لأن هرمونات زي الكورتيزول والميلاتونين بتتأثر جدًا بالحالة النفسيه و في كل الحالات دي مهم جداً متابعه التغذيه 😍 و هنا دوري هيبدأ 😍
