@adyrnakz: Президент Қасым-Жомарт Тоқаев мерекелік демалыс күндерін пайдаланып, өзіне әр жылдары сыйға тартылған тұлпарлардың жағдайын барып көрді. Мемлекет басшысы жылқылардың күтімімен танысып, олардың бабында екеніне көз жеткізді. Сондай-ақ атқорадағы тұлпарларға арнайы жем беріп, олардың жай-күйіне жеке назар аударғаны айтылды. Айта кетейік, мұнда әртүрлі тұқымға жататын, соның ішінде шетелден сыйға келген арғымақтар да бар. Мамандар олардың күтімі халықаралық стандарттарға сай жүргізіліп жатқанын атап өтті. Бір жыл бұрын Ақалтеке тұқымынан туған қылаң боз тайға Ақжан есімі берілген. Мамандар оның шоқтығы биік, қаз мойынды, қамыс құлақты, сымбатты денелі, көзінің тұнықтығы мен жүрісінің паңдығы арқылы ерекше жаратылысын айқындайтынын айтады. Сондай-ақ оның есті жануар екені де болмысынан байқалатыны жеткізілді. Ал бірнеше ай бұрын үйірге қосылған құла түстес құлынға Ақниет деген ат қойылған. Атбегілердің пікірінше, бұл тұлпардың болашағы зор, алдағы уақытта халықаралық жарыстарда жоғары нәтижелер көрсетуі мүмкін. 🎥: tokayev_online

Адырна

Open In TikTok:

Region: KZ

Sunday 03 May 2026 12:41:12 GMT