အသက်ထက်ပို ရင့်ကျက်နေရတဲ့ ဘဝတွေရှိပါတယ်… တချို့လူတွေက အသက်အရွယ်နဲ့မလိုက်အောင် စောစောစီးစီး နားလည်တတ်ကြပါတယ်။ ပျော်ပါးလွတ်လပ်သင့်သေးတဲ့အရွယ်မှာ တည်ငြိမ်ဖို့ သင်ယူ နေ ကြရတယ်၊ အားကိုးသင့်တဲ့အရွယ်မှာ ကိုယ့်ကိုယ်ကိုပဲ အားကိုး နေရတယ်၊ အိပ်မက်တွေကို လွတ်လပ်စွာ လိုက်သင့်တဲ့အချိန်မှာ တာဝန်တွေကို အရင်ထမ်းပိုးထားရတယ်။ ဘဝက သူတို့ကို မေးခွန်း တွေ အရင်စစ်မမေးဘဲ သင်ခန်းစာတွေချည်း အရင်ပေးလာတာ ကို ကြုံ နေရတယ်။ အဲ့ဒီသင်ခန်းစာတွေကပဲ လူတစ်ယောက်ကို အသက်ထက်ပို ရင့်ကျက်သွား စေပါတယ်။ တချို့အပြုံးတွေဟာ ပျော်ရွှင် နေလို့ရယ် မဟုတ်ပါဘူး မပင်ပန်းချင်လို့ ပြုံးနေလိုက်ရတာမျိုး။ တချို့တိတ်ဆိတ်မှုတွေဟာ ပြောစရာစကားလုံးမရှိလို့ မဟုတ်ဘူး နားလည်ပေးမယ့်သူ မရှိလို့ တိတ်ဆိတ်နေလိုက်ရတာမျိုး။ အသက်ထက်ပို ရင့်ကျက်တဲ့သူတွေဟာ စကား တွေလည်း အရမ်းပြောမနေတော့ဘူး၊ အရမ်းလည်း မျှော်လင့်မနေတော့ဘူး၊ အရမ်းလည်း မတောင်းဆိုတတ်တော့ပါဘူး။ သူတို့ သိရှိနားလည်သွားတာက ဘဝမှာ အရာအားလုံးကို အချိန်နဲ့ စိတ်ဓာတ်ကပဲ ဖြေရှင်းပေးတယ်ဆိုတာပါပဲ။ ဒါကြောင့်… အသက်ထက်ပို ရင့်ကျက်နေရတဲ့သူတွေကို အေးတိအေးစက်နေတတ်တယ်လို့ မထင်လိုက်ပါနဲ့။ သူတို့ဟာ အချိန်မတိုင်ခင် နာကျင်ပင်ပန်းမှုတွေနဲ့ ကြီးပြင်းခဲ့ရသူတွေပါ။ အပြင်ပန်းမှာ တည်ငြိမ်နေသလိုထင်ရပေမယ့် သူတို့ဟာ ကလေးငယ် လေးတစ်ယောက်လိုပဲ နူးညံ့ နေတတ်ပါတယ်။ ဘဝကပဲ သူတို့ကို အချိန်မတိုင်ခင် လူကြီးဖြစ်စေခဲ့တာပါ။ - @nt.cazzy_48