CAM CAM BRIT (sindir version) [Intro] Cam cam brit... sikucam jarum... Opok opok...daun limau... Patah paku... patah lamiding... Cari aku... subalah dinding... [Verse 1] Hendak seribu daya...Tak hendak seribu dalih Hidup nak bergaya...Tapi nda mau berjarih Maci Bawang berbaju kabaya...Sipun tuha kakal bakarih Jadi saka radio alam maya... Mangalimut carita padih Adang luan makan talor...Karang jadi talor taloran Ulah bisai jadi sekalor...Mencuri lagi kau cable karan Lawa hantap yang balasung pipit Garu garu tangan kan mengubit Dikit dikit saja walau sekubit Sasiapun bini disiring inda tah ampit [Chorus] Cam cam brit... sikucam jarum... Opok opok... daun limau... Patah paku... patah lamiding... Cari aku... subalah dinding... [Verse 2] Mun dangki turut...Malas me ah Capi capi ulah macam ambuk birah Karat pamadam salasai masaalah Kana hambat markah banyak merah Angat dingin rasanya badan ani Urapi lidah buaya.. uja nini Tiap bulan janji guni guni Mambari kapih cara mu ani [Chorus] Cam cam brit... sikucam jarum... Opok opok... daun limau... Patah paku... patah lamiding... Cari aku... subalah dinding... [Verse 3] Adang adang bah si tau gaban Tadangar havoc datang beraban Dapan girlfriend usin mampan Padahal utang bertandan tandan Ghaib bila orang bakacambah Tek tek lor nda pandai kan berubah Indung haiki eksen tia mangarah Tau kau karang main carah [Bridge: Deep Cinematic Strings, No Beat] Atas langit ada bangkawat... Jangan ditunjuk pakai jari Putut jari nada tekarawat Seumur idup malu ke diri [Chorus] Cam cam brit... sikucam jarum... Opok opok... daun limau... Patah paku... patah lamiding... Cari aku... subalah dinding... [Verse 4] Janji malayu ani macam... nunggu ucing batanduk Adang luan bah janji guni guni... ulah macam hauk Au tah tu kau saja yang lurus... Macam ulat lundung Macam limpapas paliatan ku... Mambari kan manyigung [Chorus] Cam cam brit... sikucam jarum... Opok opok... daun limau... Patah paku... patah lamiding... Cari aku... subalah dinding... [Outro] Gaya sakan... mangalahkan bidadari, Padahal utang... betandan tandan, Dari dapan... macam kambing biri biri, Dari belakang... hauk macam papan. Bit bit ucing... Ucing meow meow!! Pandai kamu makan kambayau? [End] #creatorsearchinsights #fyp #brunei #borneo #hiburan - @clorox_50sen