@paray_she3r: ‎هۆنڕاوە حەسیب قەرەداغی ‎دەنگ شێڕكۆ تالیب ‎تەواوی تێکستەکە: ‎جامی لێوت ‎جامی لێوت فروبێنە بۆ سەر لێوم ‎بۆ نازانی چەند تینوومە و چەند پەشێوم؟ ‎بێ... دەفتەری دڵم تەی کە ، دیارییە ‎هەر بۆ کاراسکی چاوی تۆ جێ دیارییە ‎من ئازاری تۆم خۆش دەوێ و ماکی خۆمە ‎هەرگیز خەمێ بۆخۆم ناخۆم خەمی تۆمە ‎با..چاوی تۆ بۆ کوشتنم تەرخان نەبێ، ‎با..زوڵفی لوول من شێت نەکا و پەخشان نەبێ ‎با.. ئاغر بێ هاتووچۆکەت وەک جارانت، ‎مەیکە بە تۆف ڕشێنەکەی بەهارانت! ‎چاو داگرە، لێت هاتووە، بەڵام بە ناز، ‎مەلی دڵم دەستەمۆیە، بۆچیتە باز؟ ‎خوا پێداوی... جوانیت هەیە، لێم بپرسن، ‎خوا پێداوان... تۆی لێ دەرچێ ئێسك قورسن؟! ‎ئەو جوانیەی لای تۆ نەبێ کەی جوانییە؟! ‎شانم باری تۆ هەڵنەگرێ بێ شانییە ‎بۆیە شانم دایە بەری ئەم خولیایە ‎دنیا بە بێ ئەوینی تۆ هیچی تیایە؟! ‎لەگەڵ تەنافا قۆڵی تۆم بکرێتە مل... ‎لە چاوی پیسی جەللادا دەبم به گل! ‎عاشق نییە لەم دنیایە بگات بە من ‎دێوانەکان من ڕابەرم بۆ کوێ دەچن؟! ‎گری گری خڕ ببنەوە ڕۆژی جەمە ‎ڕێی هەمومان بۆ لایەکە:بەرەو شەمە! ‎ئازیزەکەم زارت گوڵە و بیکەرەوە... ‎قەرزم لاتە بە دوو وشە بیدەرەوە ‎بۆی هەناسەت فرۆ بێنە من بە تاسەم، ‎بەو بەرامە پڕ پڕی کە جام و کاسەم ‎لێوی وشکم پاراو بکە، گڕەی سوورە ‎من لە پلەی (أنا الحق)دام بەسە کوورە! #kurdistan

paray_she3r

Open In TikTok:

Region: IQ

Sunday 03 May 2026 19:43:14 GMT