اليبرق السوري 🇸🇾 من اطيب اكلات المطبخ السوري ومتل ما المثل بيقول ما اصعب لفو وما اسهل سفو 😅 بس والله بيستاهل كل التعب هي الوصفة تعلمتا من ماما ملكة اليبرق بأسلوب ونكهة مدينة النبك السورية ❤️ 📌 لا تنسوا متابعة الحساب ليوصلكم كل الوصفات الجديدة 👇🏻 ⚠️ عملو حفظ للوصفة حتى تلاقوها بسهولة! ويا ريت تدعموني بإعجاب وتعليق صغير 🌹 الطريقة ٢ مرطبان ورق عنب جاهز نوعية ظريفة ينغسل وينسلق بماء مغلي حوالي 10 دقايق وبعدين مباشرة على ماء بارد ليحافظ على لونه وقوامه الحشوة ٣ اكواب رز مصري حبة قصيرة مغسول ومنقوع ربع ساعة ومصفى ٤٠٠ غرام لحمة مفرومة ناعم الكمية حسب الرغبة البهارات : كركم فلفل اسود كمون ملعقة كبيرة عصفر وملح حوالي ملعقة كبيرة رشة بسيطة من قرفة كزبرة يابسة زنجبيل ناعم ملعقتين ثوم مهروس ملعقة كبيرة سمن حيواني رشة زيت زيتون منخلط المكونات تماماً طريقة اللف الورقة يكون وجهها الناعم لتحت والخشن لفوق نحط كمية قليلة حشوة ونلفها بشكل رفيع ومشدود لان اليبرق لازم رفيعة واصغر من يالنجي بالطنجرة رتبت اللحمة وانتو بتقدرو تضيفو يلي بتحبو شرحات لحمة او ريش انا استخدمت لحمة من رقبة الخاروف مقطعة متل شرحات نرتب اليبرق فوقها ونضيف روس توم كاملة مع زيادة حبات ثوم كتير طيب فيها اخر الشي نضيف شرحات ليّة حتى يطلع يبرق مسئسئ و منغنغ 😅 نضيف ملح كوب عصير ليمون رشة زيت زيتون وماء ساخن ليغمر اليبرق نحط تتقيلة طنجرة ضغط عندي كهربائية وكمان في انواع منها الوقت بيختلف حسب النوع انا اخد معي يبرق وقت 40 دقيقة على برنامج طهي ضغط كان مستوي تمام وكمان حسب نوع الورق ملاحظة لو بدك تطبحي اليبرق بطنجرة عادية مو ضغط بياخد وقت بالساعات وبالنسبة لعصير ليمون يُفضل اخر الشي بنضيفه قبل الاستواء بعد ما يستوي منصفّي المرقة وبنقلبه بصحن التقديم بيتقدم مع اللبن الزبادي وصحتين وعافية ❤ #يبرق #ورق_عنب #اكلات_سورية #اطبخ_علي_تيك_توك - @alaa.nader4