‎ “မပြောလိုက်နဲ့ နောက်ဆုံး” ‎Derek Millar ရဲ့ သီချင်းအားလုံးအထဲမှာ ‎“မပြောလိုက်နဲ့ နောက်ဆုံး” သီချင်းကတော့ ‎အကြိုက်တကာ့အကြိုက်ဆုံး တစ်ပုဒ်ပေါ့ဗျာ။ ‎‎ဒီသီချင်းက Derek Millar ရဲ့ နောက်ဆုံးထွက်ရှိထားတဲ့ ကချလာမာတိကာ Music Album ထဲက သီချင်းတစ်ပုဒ်ပဲ ဖြစ်ပါတယ်။ ‎Intro စဝင်လာကတည်းက ကြည်နူးလန်းဆန်းခြင်းနဲ့အတူ စိတ်လွတ်လပ်ပေါ့ပါးစေတဲ့ ခံစားမှုကို ရရှိ‌စေမှာပါ။သီချင်း စာသားစကားလုံး အသုံးအနှုန်းတွေကလည်း အရိုးရှင်းဆုံး ‎စကားလုံးတွေနဲ့ အဓိပ္ပါယ်ကို ပေါ်လွင်အောင် ‎ထူးခြားကွဲထွက်နေတဲ့ အရေးအဖွဲ့ပုံစံနဲ့ ခံစားပြီးရေးစပ်ထားတာ တွေ့ရပါတယ်။သီဆိုဟန်ရော ဖန်တီးမှု‌ရော အားလုံးပဲ ပြီးပြည့်စုံတဲ့ သီချင်းတစ်ပုဒ်ပဲလို့ မြင်မိပါတယ်။ ‎ဒီသီချင်းနားထောင်လိုက်တိုင်း ရိုးအီမသွားစေမယ့် ခံစားမှုဂီတအမျိုးအစားမျိုးကို ခံစားရမှာပါ။ ‎စစ်မှန်တဲ့ ဂီတဖန်တီးမှုက တန်ဖိုးရှိတဲ့ ပန်းချီကားချပ်တွေလိုပါပဲ။ ‎ဘယ်တော့မှ ပျောက်ကွယ်သွားမှာမဟုတ်ပါဘူး။ ‎တန်ဖိုးရှိတဲ့အရာကို တန်ဖိုးထားမှ တန်ဖိုးသိမှာပါ။ ‎သီချင်းကို နားထောင်လိုက်တိုင်းမှာ အတွေးစိတ် ‎အတွင်း‌တံခါး ဖွင့်လာပြီး မျက်လုံးထဲမှာ စည်းချက်ညီညီနဲ့ ပုံပေါ်လာအောင် စကားလုံးအသုံးအနှုန်း၊သီဆိုဟန်၊ဖန်တီးမှုသံဇဉ် တို့ကြောင့် လွတ်လပ်ခြင်း၊ကြည်နူးခြင်း၊လွမ်းမောခြင်းနဲ့အတူ တမ်းတတွေးတောခြင်းကိုပါ ခံစားရစေတဲ့ သီချင်း‌ကောင်း တစ်ပုဒ်ပါပဲဗျာ။ ‎ ‎ “မပြောလိုက်နဲ့ နောက်ဆုံး” ‎ ‎စိမ်းမြတဲ့ရှုခင်း သာယာ ‎အဝေးက မီးရထား ‎မိုးသား ဂွမ်းတိမ်ဖွေး ဖြူပြာ ‎လေယာဉ်တွေလည်း ဆင်းသက်ရာ ‎ ‎လွမ်းမောစရာနယ့် အပန်းဖြေရာ ‎ဆွေးရိပ်တို့ လွင့်ပါး ‎တို့နှစ်ယောက်ရဲ့ အယဉ်ဆုံး၊အလိမ္မာ ‎ဆင်ခြင်စွာပဲ ပြီးဆုံးရာ ‎ ‎သူ့သဘောတွေ ဘာလို့‌များ ပြောင်းလဲသွား ‎သိနှောင်းခွင့်က ဪ.....ခုမှ ‎ပြီးပြည့်လူတွေလို အရာရာ ‎ဖြည့်စွမ်းသ၍တော့ ကိုယ်ဟာ ‎ ‎ပြေးထွက်လိုက်ချင်ရဲ့ တစ်နေရာ ‎ကိုယ့်စိတ်သာငြား ‎အတွေးလည်းတစ်ခြား လူလည်း တစ်နေရာ ‎ရင်ခုန်သံထဲ တိုးတိတ်စွာ ‎ ‎ရှည်ဝေးစွာ ကိုယ်လေစဉ်းစားခဲ့ရ ‎သူ့သဘောတရားနဲ့ သူ့အပိုင်းခြား ‎ချစ်ရလေသူတို့မည်စွာ ‎ရင်ထဲက အရှိကိုသာ ‎ ‎နှလုံးသားနဲ့ လူနဲ့ တူမကွာ ‎အနီးနွေးဝေးသော်ငြား ‎မပြောလိုက်နဲ့ နောက်ဆုံးဆိုတာ ‎ကိုယ်စီသည်တင် သည်းဦးညှာ.....။ ‎ ‎ ‎#မပြောလိုက်နဲ့နောက်ဆုံး ‎#DerekMillarSongs ‎#TSW_SharingMusic ‎ - @uthantsinwin