@megdadahmed22: 100 ألف… ووراها ألف حكاية والله يا جماعة، الرقم دا لمن شفتو قدامي… وقفت ساي، ما عرفت أقول شنو. 100 ألف؟! دي ما مجرد متابعين… دي أرواح، دي ناس بقو جزء من يومي، من تفكيري، من إحساسي. أنا لمن بديت، كنت بنزل ساي… بدون توقعات كبيرة، بدون حسابات معقدة. بس فكرة صغيرة، وكلام طالع من القلب… وكنت متمني يصل لي زول واحد يفهمني. لكن إنتو… جيتو كلكم. واحد ورا التاني… لايك، تعليق، مشاركة، كلمة حلوة، دعوة من القلب… حاجات بسيطة في شكلها، لكن كبيرة شديد في أثرها. في أيام كنت تعبان، وما داير أنزل حاجة… لكن تعليق من زول ما بعرفو، كان بيرجع لي الروح تاني. في لحظات شكيت في نفسي، حسّيت إنو البعمل فيهو دا ما مهم… لقيتكم إنتو بتقولوا العكس، بتشجعو، وبتدوني سبب أواصل. 100 ألف ما جات ساي… جات من صبر، من تعب، من محاولات كتيرة مرات بتنجح ومرات لا… لكن الأكيد، جات عشان في ناس حقيقية وقفت معاي. أنا ما شايفكم أرقام… كل زول فيكم عندو قيمة، عندو بصمة، حتى لو ما كتب ولا كلمة. وجودكم بس، دعم في حد ذاتو. والله الامتنان الجواي ليكم ما بيتوصف… ولو في طريقة أرد ليكم الجميل دا، ح أكون بحاول كل يوم من خلال المحتوى البقدمو. 100 ألف دي بداية الطريق… وبإذن الله الجاي أحلى، وأكبر، وأقرب ليكم أكتر. ح أكون صادق أكتر، بسيط أكتر، وحقيقي زي ما إنتو متعودين. شكراً ليكم من أعمق نقطة في قلبي… شكراً لأنكم خليتوني أوصل… وخليتوني أؤمن إنو الحلم ممكن يكبر، لو وراه ناس زيكم ❤️ مقـــ⁷ـــداد #خواطر #سودانيز_تيك_توك_مشاهير_السودان🇸🇩 #سودانيز_تيك_توك_مشاهير_السودان #جخو،الشغل،دا،يا،عالم،➕_❤_📝

المقداد // Megdad

Open In TikTok:

Region: SD

Tuesday 05 May 2026 18:02:29 GMT