@bawa.gya4n1: دەبێت چی ببێت ئەگەر تەنها بۆ یەک شەو، تەنها بۆ یەک شەو ئەم مێشکە ژان نەکات و ئەم هەموو بیرکردنە تاڵانە وەک چەقۆ لە ناو دەمارەکانمدا یاری نەکەن؟ دەی قەیچێکە، با شەوێک بێت و تارییکییەکە وەک پەناگەیەک بمگرێتە باوەش نەک وەک جەلادێک لە دەورم کۆ ببێتەوە، با شەوێک بێت تێیدا بێ ئومێدی وەک سێبەر لەگەڵمدا ڕانەکشێت و بۆ چەند کاتژمێرێک وازم لێ بهێنێت تا بتوانم تامی هەناسەیەکی قووڵ و بێ‌خەم بکەم، ئاخر خوایە گیان، مەگەر حەسانەوە و خەوێکی بێ‌ئازار مافی هەموو مرۆڤێک نییە؟ مەگەر هەموو بونەوەرەکان ناخەون تا ماندوێتی ڕۆژ لە بیر بکەن؟ ئەی بۆچی من دەبێت لەم مافە سەرەتاییە بێبەش بم و هەموو شەوێک لە کاتژمێر چواری بەیانییەوە دەست بە گەشتێکی پڕ لە ئازار بکەم لە ناو یادگارییەکاندا؟ با شەوێک بێت بیری تۆ نەکەم، بیری ئەو چاوانە نەکەم کە وێرانیان کردم، بیری ئەو دەستانە نەکەم کە جێیان هێشتم، با شەوێک مێشکم وێنەکانت نەکێشێت و ناوت لە ناو گوێچکەکانمدا دەنگ نەداتەوە، چەندە مەزڵوومانەیە کە مرۆڤ تەنها داوای "ئیسراحەت" بکات و پێی نەدرێت، چەندە قورسە شەو بۆ هەموان کاتی خەوتن بێت و بۆ من کاتی دادگاییکردنی خۆم و بیرکردنەوە لەو وێرانەیەی کە دروستم کردووە، خوایە گیان، من ماندووم، ماندووم لەو مێشکەی کە وەک ئاشی پێ کراو هەموو شتێک دەهاڕێت و تەنها جەستەیەکی نیوەم مردوو بۆ من دەهێڵێتەوە، با بۆ تاقە شەوێکیش بێت بێباک بم، وەک ئەو کەسانەی کە بێ‌خەم دەخەون و نازانن ژانی مێشک چییە، وەک ئەو کەسانەی کە کەسیان وێران نەکردووە و کەسیش وێرانی نەکردوون، من تەنها شەوێکی بێ‌دەنگم دەوێت، بێدەنگییەک کە تێیدا تەنها دەنگی هەناسەکانم ببیستم نەک دەنگی شکان و هاواری ناوەوەم، ئایا زۆرە کە داوای شەوێکی بێ‌گریان و بێ‌نەوەرین دەکەم؟ ئایا زۆرە کە دەمەوێت بۆ یەک بەیانی کاتێک چاوەکانم دەکەمەوە، یەکەم هەستم "ئازار" نەبێت؟ دەی قەیچێکە، با ئەمشەو کۆتایی ئەم هەموو جەنگە ناوخۆییە بێت و ڕێگەم بدە وەک مرۆڤێکی ئاسایی، تەنها وەک مرۆڤێکی ماندوو، بە ئارامی سەر بنێمەوو...#ba7reeeeeeee #brokeennnnnnn #نەمویسط