ایمان ویلفیئر سوسائٹی کا خواتین و نوجوانوں کو بااختیار بنانے کا اعلان ایمان ویلفیئر سوسائٹی کی چیف ایگزیکٹو آفیسر و ڈپٹی سپیکر ماریہ شاہین نے خواتین اور نوجوانوں کی فلاح و بہبود کے لیے اہم اقدامات کا اعلان کر دیا۔ اپنے بیان میں انہوں نے اس عزم کا اظہار کیا کہ ایمان ویلفیئر سوسائٹی کے پلیٹ فارم سے خواتین اور نوجوانوں کے لیے ہنر مند پروگرامز، تربیتی ورکشاپس اور صلاحیتوں کو نکھارنے کے مواقع فراہم کیے جائیں گے، تاکہ وہ خود اپنے پاؤں پر کھڑے ہو کر باعزت روزگار حاصل کر سکیں۔ ماریہ شاہین کا کہنا تھا کہ موجودہ دور میں ہنر اور تعلیم ہی کامیابی کی ضمانت ہیں، اس لیے سوسائٹی کا مقصد نوجوانوں اور خواتین کو بااختیار بنانا ہے تاکہ وہ معاشرے میں مثبت کردار ادا کر سکیں۔ انہوں نے بزنس کمیونٹی سے بھی اپیل کی کہ وہ اس مشن میں ایمان ویلفیئر سوسائٹی کا ساتھ دیں تاکہ ایک ایسا خود کفیل معاشرہ تشکیل دیا جا سکے جہاں لوگ دوسروں پر انحصار کرنے کے بجائے اپنی محنت اور صلاحیت کے بل بوتے پر ترقی کریں۔ انہوں نے مزید کہا کہ ہمارا مقصد ایسے افراد تیار کرنا ہے جو نہ صرف اپنے خاندان بلکہ ملک و قوم کا نام بھی روشن کریں اور ایک مضبوط و خوشحال پاکستان کی بنیاد رکھیں۔ - @youthdeputyspeaker