( هدنة ) ( العرّاب ) ( الهادي الجبل ) ( بفرح بيها )،…!! لا أدري هل إقترن إسمه بالجبل المكان أم جبل الأشجان وكلاهما عالي .. بتواضع الموهبين و ( كاريزما ) الصوت ( قراراً وجواب ) ( بذخ ) ( الهادي الجبل ) ولا أقول ( ظهر ) لأنه وُلد واقفاً والرجل ( عرّاب ) … لما يقولو الزول دا ( مدرسة ) بقصدو زي ( الهادي حامد) دا ومدرستو ( خاصة ) يقبل فيها دون ضجة ومن غير فلوس تهذّب الوجدان وترتقي بالنفوس … ( غناي ود الجبل ) .. وصحي الغُنا ( مدارس ) …والتطريب دروس .. ( الهادي الجبل ) حكايه صوت وقصة تفوّق ….!! عصامية فنان وجمال ألحان ..!! بملامح ودودة وصوت واثق وتطريب عالي يظل ود الجبل ( حاجه كدا براها ) وفنان يُشار له بالبنان .. 🎶 وما اتعودتا أخاف من قبلك …. إلا معاك حسيت بالخوف … 🎶 ( أي زول غناها )….!! ولم نسمع يوما آنه احتج و تضجّر فهو كما النيل يعطي دون مقابل …ويجري دون هوادة مرات ( نغوص ) مرات ( نطوف ) وأعـمــل إيـه ما القسمه اختارت وكل الناس حاكماها ظروف ….. ( ود الجبل فنان حقيقي أخد من إسمو ولقبو ( الاتنبن ) فهو ( هادي ) و ( كبير ) تراه من أي زاوية ومكان … ظلمته ( الميديا )،لكنه كان أكبر من ( عدساتها ) فتجلى وبان .. ثابت وعالي ويأتي بشلال من الألحان .. ( هو الجبل دا كيفنو تاني ) …!! 🎶🎵 ويا ما كتير فكرت أصارحك واستنيتك تبدأ السِيرة لا اتكلمت ولا لمّحتا ولا بينتا الريده مصيرا 🎶 دي كتبا ( الرهيف ) ( عزمي احمد خليل ) متكأ الأشواق وظل المعذبين والعشاق فأصبحت كل قصائد ( الصدع ) العاطفي تنسب له …!! وكل ( المكلومين ) بمشو ( بيت البكا ) دا كان يلقو ليهم حرف ( يطبطب ) على على نفوسهم المنهكة وأرواحهم العليلة …!! وما أقسى جروح الروح 💔 لقو عزمي ( داقي الصيوان ) وود الجبل ( شادي الوتر ) ( طوالي بركنو ) فكان الوُد النبيل وتنازل الروح ..!!! لقاء التسامي وعشق الكبار 🎶 وكم حاولت اعاند زيك واقسى عليك بي كلمه شويه إلا وحاتك غصباً عني قبل عنادي تجي الحنيه ..☺️ 🎶 ( وهذا هو حالهم هؤلاء الجرحى ) 💔 اغنيه زي دي ما بلحنا إلا ( ود الجبل ) وما بكتبا إلا ( عزمي ) غناها ( الهادي ) على طريقتة الخاصه وسطرها ( عزمي ) بأحرف من مطر فارتوينا ً🎶 وﺍﻧا ﻣﺠﺒور أستنى ﺭﺿﺎﻙ…. وإنت أريتك ﺗﺮﺿﻰ ﻋﻠﻴﺎ ( للناس الما شافت ( الرُقاد الرز ) …ياهو دا 👆 فنحن هنا سادتي أمام تجربة ( موسيقار ) قبل أن يكون مطرب .. صاحب مشروع لحني مُعقد ومدرسة متفردة في تطويع ( السلم الخماسي ) لمساحات تعبيرية غير مسبوقة 🎶🎵 وإفتقدتك يا صبا عمري و شبابي إفتقدتك لما زاد الشوق عذابي 🎶 بلحن اسطوري وأداء ساحر طلع بيها ( الهادي ) فوق فأخذنا معه في رحلة إلى الغيوم دي كمان للرقيق ( عبد العال السيد )،لما الغربة تطلع لي في راسو ..!! ( فيتسلطن ) جدعا ( أسيست ) لي ( ود الجبل ) دخل بيها العمليات فانتصرنا 🎶 والعيون الساهرة لو ينفع كلاما وافتقدتا الابتسامة يا حبيبة عمري في الدنيا و زحاما 🎶 غناها ( الحوت ) بالاستلاف ( فعام ) في بحر الجبل ولم يتوصل الطرفان الي مرحلة الحوار الغلب شيخو ( ود الجبل ) نسخة واحدة و ( الجان ) عوام ………!! وبضيف وقولي باكر آيوا راجع جاي ليا …. ( الهادي حامد ) ما بلحن الكلمات وكفى لكنه يبني لها "عمارة" موسيقية … وهنا يمكن التركيز على قدرته الفائقة على الانتقال بين المقامات داخل ( السلم الخماسي ) بمرونة مدهشة وأداء ( جبار ) بطلع وبنزل زي ماداير …. وكما قال الكتاب ( ودي الشوفها نص الليل بصحي ) 💞🤔 ( يا لطيف ) …😳 ( ود الجبل مرق ) 🎶 البنية الهايجه في أحضان خواطري البشتهيها.. البنية اللامست ايد السعادة وضجت الأشواق عليها..🥰 بفرح بيها … 🎶🎻 وإذا لم يكتب ( محمد الفاتح عبد العظيم ) غيرها لكفته ( مُش قلت ليكم ماعادي ) يازول أفرح بيها البتصحي من النوم دي تستاهل نحن حدنا ( احلم بيها ) … وضجت الاشواق عليها زول بتابع ( قاسم أبوزيد ) و ( يحيى فضل الله تتوقع شنو .!؟ علاقة أنتجت لغة غنائية مختلفة تميل للرمزية والصورة الشعرية الكثيفة عاين ( قاسم ) بكتب في شنو … قال …. ﻳﺎ ﻗﻬﻮﺗﺎ ☕️ ﻭﻳﺎ ﺷﻬﻘﺔ ﺍﻟﻨﻔَس ﺍﻟﻤﺰﺍﺝ ﻳﺎ ﻗﻌﺪﺗﺎ ﻭﻳﺎ ﺳﺮﺣﺘﻲ ﺷﻔﺖ ﺍﻟﻌﻴﻮﻥ ﻋﺒﺮ ﺍﻟﺴﻴﺎﺝ ﻳﺎ ﺿﺤﻜﺘﺎ ﻭﻳﺎ ﻣُتعتي ﺗﺒﺪﻭ ﺍﻷﻧﺎﻣﻞ ﻫﻲ ﺍﻟﺰﺟﺎﺝ ﻳﺎ ( ﺍﻟﺒُن ) ﺗﺤرّق ﻭﺗﻨﺤرِق ﻟﻮ ﻛﺎﻥ ﻣﻨﺠﺾ ﻣﺮﺗﻴﻦ ﺃﻧﺎ ﻳﻮﻣﻲ ﺑﺘﻨﺠﺾ نجاض ( بشويش يا ود أب زيد ) كدا كتير جا ( ود الجبل ) تم ( الكيف ) وكان أول فنان يلحِن ( فنجان قهوة ) … وﻳﺎ ﻛﻴﻔﺎ ﻣﺎ ﺗﻘﻮﻝ ﻟﻲ ﻛﻴﻒ ﻭ ﻳﺎ ﻃﻴﻔﺎ ﺃﺑﻘﻰ ﻟﻲ ﺿﻴﻒ ﻣﺎ ﺇﻳﺪﻱ ﻣﻦ ﺇﻳﺪﻳﻬﺎ ﻓﺎﺽ …! ﻣﻦ ﻛﺒﺘﺎ ﻣﺎ ﻛﺒﺘﺎ.. ﺍﻟﻤِن ﻛﺒﺘﺎ ﻛﻞ ﺍﻟﺨﻼيق ﺣﺒﺘﺎ ﺍﻟﻤﻮﻳﺔ ﻧﻴﻞ ﻭ ﺍﻟﺸﻮﻕ ﺗﻘﻴﻞ ﻭ ﺍﻟﺮﻳﺪﺓ ﻟﻤﺎ ﺗﻜﻮﻥ ﻣﺰﺍﺝ ﺍﻟﻘﻠﺐ ﻣﺎ ﺑﻌﺮﻑ ﺗﺮﺩد ﻭﺍﺣﺘﺠﺎﺝ ودي واحدة من أجمل ( فناجين القهوه ) في الغُنا السوداني مع فنجان ( عقد الجلاد ) داك ( البسوا الدنيا بي حالو ) وعليك الرسول بوري … جزء من النص مفقود * المهم .. كتب : الطيب عبد الماجد - @aleribi2