اُسے تو جانے دیا میں نے، مگر سچ یہ ہے کہ اُس کے جانے کے بعد سب سے زیادہ مشکل خود کو سنبھالنا ہو گیا۔ وہ چلا گیا تو ایسا نہیں تھا کہ صرف ایک شخص دور ہوا، بلکہ یوں لگا جیسے میرے دنوں کی روشنی راتوں کا سکون اور دل کے کئی خواب بھی اس کے ساتھ ہی رخصت ہو گئے۔ پہلے زندگی کے راستے واضح لگتے تھے، ہر سمت میں ایک امید تھی، ہر لمحے میں ایک وجہ تھی، مگر اب عجیب سا خلا ہے۔ ایسا خلا جو ہجوم میں بھی ساتھ رہتا ہے، خاموشی میں بھی، اور رات کے آخری پہر میں تو اور زیادہ گہرا ہو جاتا ہے۔ کبھی کبھی انسان کسی کو اتنی شدت سے چاہ لیتا ہے کہ پھر اُس کے بغیر خود اپنی پہچان بھی دھندلی لگنے لگتی ہے۔ میں نے اُسے روکا نہیں، کیونکہ محبت میں زبردستی نہیں ہوتی۔ اگر کسی کے دل میں رہنے کی خواہش ختم ہو جائے تو ہاتھ تھامے رکھنے سے بھی رشتے زندہ نہیں رہتے۔ اس لیے میں نے اسے جانے دیا، خاموشی سے بغیر کسی شور کے بغیر کسی شکایت کے ۔ مگر شاید اس وقت اندازہ نہیں تھا کہ جسے آزاد کر رہا ہوں، اس کے بعد خود اپنے اندر قید ہو جاؤں گا۔ اب بر راستہ اجنبی لگتا ہے۔ کہیں جانے کو دل نہیں چاہتا اور جہاں دل جاتا ہے وہاں اس کی یاد پہلے سے موجود ہوتی ہے۔ کچھ جگہیں ایسی ہیں جہاں اس کی ہنسی سنائی دیتی ہے، کچھ لمحے ایسے ہیں جو اب بھی اس کے نام سے جڑے ہوئے ہیں۔ دل بار بار یہی سوچتا ہے کہ اگر اسے جانا ہی تھا تو مجھے اتنی عادت کیوں بنا گیا ؟ کیوں میری خاموشیوں میں اپنا نام چھوڑ گیا؟ گیوں میرے دنوں کو اپنی موجودگی سے اس طرح بھر دیا کہ اب خالی وقت بھی بوجھ لگتا ہے۔ لوگ کہتے ہیں وقت سب سکھا دیتا ہے، مگر وقت سکھانے سے پہلے انسان کو بہت تھکا دیتا ہے۔ ہر دن اپنے اندر ایک نئی آزمائش لے کر آتا ہے۔ کبھی دل مضبوط لگتا ہے، کبھی ایک چھوٹی سی یاد سب کچھ بکھیر دیتی ہے۔ کبھی لگتا ہے کہ اب سنبھل گیا ہوں، پھر اچانک کوئی لفظ کوئی گانا، کوئی جگہ کوئی شام دل کو پھر وہیں لا کھڑا کرتی ہے جہاں سے نکلنے کی کوشش کر رہا ہوتا ہوں۔ اصل میں مشکل اُس کے جانے کی نہیں، مشكل أس خلا کی ہے جو اُس کے بعد رہ گیا۔ کیونکہ بعض لوگ صرف زندگی میں شامل نہیں ہوتے، وہ زندگی کی ترتیب بدل دیتے ہیں۔ اُن کے بعد ہر چیز اپنی جگہ پر ہو کر بھی ادھوری محسوس ہوتی ہے۔ انسان مسکراتا بھی ہے مگر اندر سے جانتا ہے کہ وہ مسکراہٹ مکمل نہیں۔ باتیں بھی کرتا ہے مگر کچھ لفظ دل کے اندر ہی رہ جاتے ہیں کیونکہ جنہیں سنانا تھا وہ اب ساتھ نہیں ہوتے۔ کبھی سوچتا ہوں کہاں جاؤں؟ کس طرف نکلوں کہ یہ دل کچھ ہلکا ہو جائے؟ مگر پھر سمجھ آتا ہے کہ بعض سفر باہر نہیں، اندر طے کرنے پڑتے ہیں۔ خود کے اندر اترنا پڑتا ہے، اپنے بکھرے ہوئے حصے جمع کرنے پڑتے ہیں، اپنے ہی دل کو سمجھانا پڑتا ہے کہ ہر جانے والا واپس نہیں آتا اور ہر بچھڑنے والے کے بعد زندگی ختم نہیں ہوتی۔ شاید یہی وقت ہے کہ خود کو دوبارہ ڈھونڈا جائے۔ وہ خواب جو کسی کے ساتھ وابستہ تھے، انہیں اب اپنی ذات کے نام کیا جائے۔ وہ دعائیں جو کسی ایک شخص کے لیے تھیں، اب اپنے سکون کے لیے مانگی جائیں۔ کیونکہ محبت اگر سچی ہو تو انسان کو توڑتی نہیں سکھاتی ہے کہ اپنے اندر کتنی گہرائی ہے، کتنا صبر ہے، اور کتنی خاموش طاقت چھپی ہوئی ہے۔ آج بھی دل کبھي كبهار اُس کی طرف پلٹتا ہے، مگر عقل سمجھاتی ہے کہ جو جا چکا ہو اُسے یاد تو کیا جا سکتا ہے، روکا نہیں جا سکتا۔ کچھ لوگ نصیب میں ساتھ نہیں ہوتے صرف سبق بن کر آتے ہیں۔ اور کچھ رشتے منزل نہیں بنتے صرف انسان کو بدل دیتے ہیں۔ میں نے اسے جانے دیا، کیونکہ شاید یہی درست تھا۔ مگر اب جو سوال میرے ساتھ ہے، وہ یہی ہے کہ میں کہاں جاؤں؟ اور شاید اس سوال کا جواب یہی ہے کہ سب سے پہلے خود کی طرف جاؤں۔ اپنے اندر اس جگہ تک جہاں اب بھی امید باقی ہے، جہاں آب بھی زندگی خاموشی سے کہہ رہی ہے کہ ایک دن یہ درد بھی کم ہو جائے گا، ایک دن یہ خلا بھی بھر جائے گا اور ایک دن انسان اپنے ہی قدموں کی آواز سے دوباره مانوس ہو جائے گا۔ بعض جدائیاں ختم نہیں ہوتیں، صرف دل ان کے ساتھ جینا سیکھ لیتا ہے۔ اور شاید یہی جینا آصل ہمت ہے - خاموش رہ کر بھی آگے بڑھنا، ٹوٹ کر بھی خود کو سنبھالنا، اور کھو کر بھی اپنے اندر کچھ باقی رکھنا 🥺💔🥀⚰️ #Bewafa #dontunderreviewmyvideo #unfrezzmyaccount #growmyaccount #s - @regret0746