Plzz one cmt English plzzاسلام آباد: سنگجانی کے علاقےمیں چوہدری پمپ کے قریب قائم ایک گیس ایجنسی میں سلنڈر دھماکوں کے باعث علاقے میں خوف و ہراس پھیل گیا، جبکہ شہریوں نے اسلام آباد انتظامیہ کی کارکردگی پر سوالات اٹھا دیے۔ شہریوں کے مطابق چند روز قبل تھانہ سنگجانی کے ایس ایچ او کی مؤثر حکمتِ عملی کے تحت آبادی کے درمیان قائم اس گیس ایجنسی کے خلاف کارروائی کرتے ہوئے اسے سیل کر دیا گیا تھا، تاہم بعد ازاں اسلام آباد انتظامیہ کے بعض اہلکاروں کی ملی بھگت سے مبینہ طور پر دوبارہ ڈی سیل کیے جانے کو شہریوں نے لمحۂ فکریہ قرار دیا ہے۔ ذرائع کے مطابق معلوم ہوا کہ اسلام آباد انتظامیہ کے کچھ اہلکار اس ایجنسی سے منتھلی وصول کرنےمیں ملوث ہیں جو اس ایجنسی کی تمام تر قانونی معاونت کرتے ہیں مقامی افراد کا کہنا ہے کہ اگر خدانخواستہ قریبی آبادی کو کوئی جانی یا مالی نقصان پہنچ جاتا تو اس کا ذمہ دار کون ہوتا۔ شہریوں نے مطالبہ کیا ہے کہ واقعے کی شفاف تحقیقات کر کے ذمہ داروں کے خلاف کارروائی عمل میں لائی جائے۔ واقعے کی اطلاع ملتے ہی ریسکیو 1122، فائر بریگیڈ اور اسلام آباد پولیس کی ٹیمیں فوری طور پر موقع پر پہنچ گئیں اور امدادی کارروائیاں شروع کر دیں، جبکہ آگ بجھانے کی کوششیں تاحال جاری ہیں۔ عینی شاہدین کے مطابق دھماکے اس قدر شدید تھے کہ اردگرد کی عمارتیں لرز اٹھیں اور علاقے میں بھگدڑ مچ گئی۔ پولیس نے حفاظتی اقدامات کے تحت جائے وقوعہ کو گھیرے میں لے لیا ہے تاکہ مزید کسی ناخوشگوار واقعے سے بچا جا سکے۔ - @j_k_wazir11