@hanadayuusuf: Dad badan waxay u maleynayaan in xabsigu yahay meel bir iyo silsilado leh, meel qofka lagu xidho oo xorriyaddiisa laga qaado. Laakiin xaqiiqada ugu qoto dheer ee nolosha ayaa ah in xabsiyada ugu waaweyn aysan lahayn darbiyo muuqda. Waa xabsiyo ku dhisan cabsi, caadooyin, mashquul aan dhammaad lahayn, iyo nolol qofka ka fogeysa naftiisa dhabta ah. Qof ayaa sannado badan noolaan kara isaga oo aan waligiis isweydiin: “Ma anigaa dooranaya noloshan, mise waa la ii baray inaan sidan u noolaado?”. Subax kasta dad badan waxay kusoo toosaan nolol isku mid noqotay, Shaqo. Mashquul. Daal. Mashquul kale. Raadin aqbalid. Raadin waxyaabo bannaanka ah oo qalbiga madhan lagu buuxiyo, Waxay ku dhex wareegayaan nidaam aan siin waqti ay ku maqlaan codka ruuxdooda. Bulshadu waxay qofka baraysaa sida loo ekaado, waxa lagu guuleysto, iyo waxa “caadi” loo yaqaan. Laakiin marar badan lama baro sida loo fahmo nafta, loo xakameeyo maskaxda, ama loo dhageysto qalbiga. Sidaas darteed dad badan waxay noqdaan kuwo nool… balse aan si dhab ah u baraarugsanayn. Qofka bilaaba inuu su’aalo isweydiiyo,su’aalo ku saabsan jiritaanka, runta, xorriyadda, iyo xidhiidhka kownka,badanaa wuxuu dareemaa inuu ka duwan yahay dadka kale. Mararka qaar waa lagu qoslaa, waa laga fogaadaa, ama waxaa loo arkaa qof lumay. Sababta oo ah baraaruggu wuxuu khalkhal geliyaa hurdada ay dadka badankoodu ku qanacsan yihiin. Laakiin safarka ruuxiga ahi maaha inaad dadka kale ka sarrayso. Maaha inaad sheegato inaad wax walba fahamtay. Waa safar aad ku ogaanayso halka aad si aan miyir lahayn ugu wareejisay awooddaada gudaha. dad badan waxay maskaxdooda u dhiibaan cabsida. Waxay ruuxdooda u dhiibaan nidaamyo ka fogeeya naftooda. Waxay qiimahooda ku xidhaan ra’yiga dadka kale. Xabsiga ugu weynna waa cabsi, Cabsi laga qabo kalinimada. Cabsi laga qabo in lagu diido. Cabsi laga qabo inaad noqoto qof ka duwan dadka kale. Cabsi laga qabo inaad ka baxdo nolol aan qalbigaagu ku qanacsanayn, Laakiin marka qofku si dhab ah u arko qafiska uu ku jiro, wax baa gudaha ka ifaya. Waxaa bilaabma baraarug. Qofku wuxuu dareemaa inuusan mar dambe ku noolaan karin xabsiga uu ku jiray, Wuxuu joojiyaa inuu naftiisa dayaco si uu dadka kale uga farxiyo. Wuxuu bilaabaa inuu dib ula xidhiidho ruuxdiisa. Wuxuu bilaabaa inuu aamuso si uu u maqlo qalbigiisa. Wuxuu bilaabaa inuu dareemo in xorriyadda dhabta ahi aysan bannaanka ka imaanayn… balse ay ka bilaabato gudaha. Baraaruggu waa marka aad ogaato in ruuxdaadu aysan u dhalan inay addoon u noqoto cabsi, nidaamyo madhan, ama nolol aan macno lahayn. Ruuxdaadu waxay u dhalatay iftiin. Waxay u dhalatay run. Waxay u dhalatay xidhiidh toos ah oo ay la yeelato Eebbe, Markaas ayay darbiyadii aan la arki jirin bilaabaan inay burburaan..... #SomaliTiktok #fyp #HanadAYusuf #fariinruuxiah

Hanad A Yuusuf🦅

Open In TikTok:

Region: SO

Thursday 07 May 2026 19:39:50 GMT