බන්ඩාරවෙල බදුල්ල පාර අයිනේ මහා කළු ගලක් අස්සේ හැංගිලා තියෙන උමඟ ගැන ඔබ අසා තියෙනවාද ? මේ උමඟ ඇතුළට ගිය කිසිකෙනෙක් එතනින් එළියට ඇවිල්ලත් නෑ කිව්වොත් ඔබ එය විශ්වාස කරනවාද? 🤔 ඒ වගේම වළගම්බා රජු සතුරු ආක්‍රමණවලින් බේරෙන්න හැංගිලා හිටියේ රාවණාගේ රහස් උමඟේ කියලා ඔබ දැන සිටියාද? අපි හැමෝම ඇල්ල පැත්තේ යන්නේ නිල් පාට කඳු පන්ති බලන්න වුණාට, මේ කියන්න යන තැන නම් ටිකක් ගුප්තයි, ඒ වගේම හරිම පුදුම සහගතයි. ඒ තමයි දෝව රජමහා විහාරය. බණ්ඩාරවෙලින් බදුල්ල පැත්තට යනකොට පාර අයිනේ තියෙන මේ පන්සල ඇතුළට ගියාම දැනෙන ඒ සීතල සහ නිහඬ බවින් අපිට මොකක්දෝ ගුප්ත බවක් දැනෙන්න ගන්නවා! 🧊 මේ පන්සලේ ඉතිහාසය ගැන කතා කරද්දී අපිට අමතක කරන්නම බැරි චරිතයක් තමයි වළගම්බා රජතුමා කියන්නෙ. අනුරාධපුර රාජධානියට අයත් වළගම්භා රජු කොහොමද මේ දෝවට සම්බන්ධ වෙන්නේ කියලා ඔයාලා දැන් හිතනවා ඇති. එහෙනම් මේ ලිපිය අවසන් වෙනකන්ම කියවන්න. සතුරු ආක්‍රමණ නිසා අනුරාධපුර රාජධානිය අතහැරලා අවුරුදු 14 ක් තිස්සේ රට වටේම හැංගිලා හිටපු වළගම්බා රජතුමා, තමන්ගේ සේනා සංවිධානය කරන්න තෝරාගත්ත ප්‍රධානම ආරක්ෂිත තැනක් තමයි මේ දෝව ගල් ලෙන කියන්නේ. 👑🗡️ ඇයි ඔහු මේ දෝවම තෝරගත්තේ? අදටත් මේ විහාරයේ වළගම්බා රජුගේ කාලයට අයිති අඩි 38 ක් විතර උස මහා දැවැන්ත හිටි පිළිම වහන්සේ නමක් වැඩ සිටිනවා දෝව වඳින්න යන ඔයාලා දැකලා ඇතිනේ. හැබැයි මේ පිළිමය දිහා බැලුවම පුංචි අමුත්තක් පේනවා නේද? ඔව්, ඒක අසම්පූර්ණයි. ජනප්‍රවාදයේ කියවෙන්නේ නම් රජතුමා තමන්ගේ සේනා සංවිධානය කරන අතරතුර ලැබුණු විවේක කාලයේදී තනිවම මේ පිළිමය නෙළන්න පටන් ගත්තා කියලයි. ඒත් පිළිමය ඉවර කරන්න කලින් සටනට යන්න වුණු නිසා ඒක අදටත් ඒ විදිහටම ඉතිරි වෙලා තියෙනවා දැක ගන්න පුළුවන්. ඒ දැවැන්ත ගල දිහා බලාගෙන ඉන්නකොට රජ කෙනෙක් විඳපු ඒ හුදෙකලාව වගේම මහා අධිෂ්ඨානය අදටත් අපිට දැනෙනවා. 🗿🧗‍♂️ වළගම්බා රජු දෝව රජ මහා විහාරයට ඒ විදිහට සම්බන්ධ වෙද්දී , දන්නවාද? රාවණා රජුත් මේ දෝව රජ මහා විහාරයට සමබන්ධයි කියලා. ඒ තමයි රාවණා රජුගේ රහස් උමං මාර්ගය! 🕵️‍♂️🌀 දෝව රජ මහා වියාරයෙ විහාර ගෙය පිටුපස පැත්තට වෙන්න දොරක් තියෙනවා. ඒ දොරෙන් එළියට ගියාම තියෙන කුඩා චෛත්‍යයකට පිටුපසින් අදටත් දකින්න තියෙන ඒ කළු ගුහාව දකිද්දී හිතට ඇති වෙන්නේ පුදුම කුතුහලයක් වගේම මේ උමග ඇතුළෙන් කොහේට යන්න පුළුවන්ද කියන ප්‍රශ්නය ලොකු පොඩි අපි කාටත් ඇති වෙන ප්‍රශ්නයක්. පැරැන්නෝ නම් කියන්නේ මේ උමග ඇල්ලේ තියෙන රාවණා ගුහාවට වගේම මහියංගනය පැත්තටත් විහිදෙන බවයි. රාවණා රජු තමන්ගේ ගුවන් ගමන් සහ රහස් මෙහෙයුම් සඳහා මේ උමං පද්ධතිය භාවිතා කළ බවට විශ්වාසයක් තියෙනවා. 🛡️ පස්සේ කාලෙක වළගම්බා රජතුමාත් සතුරන්ගෙන් බේරෙන්න මේ රහස් මාර්ගය පාවිච්චි කරලා තියෙනවා. ඒත් අද වෙද්දී නම් මේ උමග වහලා දාලා තියෙන්නේ. ඒකට හේතුව විදිහට කියන්නේ, මේ උමග ඇතුළට ගිය අය ආපහු ආවේ නැති එක සහ ඒක ඇතුළේ තියෙන අද්භූත බලවේගයන් කියලයි. 🕯️🌑 ඒ කළු ගුහාව ඇතුළෙන් එන සීතල හුළඟ වගේම අමුතු සුවඳ මොකක්දෝ අමුතු ගුප්ත බවක් හිතට දනවනවා. මේ විහාරය වටේට තියෙන පරිසරයත් හරිම පුදුම සහගතයි. ප්‍රාධාන පාරක් අයිනේ මේ විහාරය තිබුණාට , විහාරයට ඇතුළු වූ පසු ඒ මහා පාරේ තියෙන ඝෝෂාකාරී ස්වභාවයෙන් මිදෙන්න පුළුවන්. ඒ වගේම විහාරය පා මුල ඇති ඇළ සහා විහාර බිමේ ඇති ලොකු ගස් වලින් වටවුණු මේ නිහඬ බිම අතීතයේදී මහා තපස් රැකපු රහතන් වහන්සේලා වැඩසිටි තැනක් කියලත් කියනවා. ඔබ බණ්ඩාරවෙල හෝ ඇල්ල පැත්තේ යනවා නම්, හවස හය වෙන්න කලින් මේ දෝව පන්සලට යන්න අමතක කරන්න එපා. 🕒⛰️ ඒ අසම්පූර්ණ පිළිමය ගාවට ගිහින් ඇස් දෙක පියාගෙන ඉන්නකොට, ඒ උමග ඇතුළෙන් එන රහස් හඬවල් ඔබේ හිතටත් අතීතයේ කතාවක් කියාවි. 🌌🍂 ඔබත් දෝව පන්සලට ගිහින් තියෙනවාද? ඒ රහස් උමග ගාවදී ඔබට මොකද හිතුණේ? කමෙන්ට් එකක් දාගෙන යන්න. 👇✨ #priyadarsani🇦🇪🇱🇰priyadarsani🇦🇪🇱🇰 #foryoupage #fyp #viralvideo - @06.25priya