@moebayer: #onthisday � المكونات: * ٣ صدور دجاج مقطعين فيليه رفيع * ملعقة صغيرة بابريكا * نصف ملعقة صغيرة فلفل أسود * ملعقة صغيرة ملح * نصف ملعقة صغيرة أوريغانو * ملعقة صغيرة بهار كاجن (اختياري) * ملعقة صغيرة كزبرة ناشفة * ملعقتين كبار زيت زيتون * ملعقة كبيرة زبدة للصوص: * ٤ فصوص ثوم مفروم * ملعقة كبيرة زنجبيل مبروش أو مفروم * كوب حليب من اختيارك + ملعقة كبيرة طحين أو بدلهم: * كوب كريمة طبخ * نصف كوب إلى كوب مي ساخنة أو مرقة دجاج * وإذا استخدمت مي: * نصف كوب مي + ملعقة كبيرة مرقة دجاج بودرة * ملح وفلفل حسب الرغبة * رشة جوزة الطيب (اختياري) * بروكلي مقطع زهرات صغيرة * عصرة ليمون * رز أبيض للتقديم ⸻ الطريقة: نتبل الدجاج بالبابريكا، الملح، الفلفل، الأوريغانو، الكاجن والكزبرة الناشفة، ونضيف زيت الزيتون. بحمّي مقلاة مع الزبدة ونشوح الدجاج ٣–٤ دقايق لكل جهة بالكثير لأنه رفيع وما بده وقت. أول ما يتحمر خفيف منطلعه على جنب. بنفس المقلاة نضيف الثوم والزنجبيل ونقلبهم دقيقة بس ليطلعوا ريحتهم. إذا مستخدم حليب: بنخلط الحليب مع الطحين منيح وبنضيفهم على المقلاة. وإذا مستخدم كريمة: بس بنضيفها مباشرة. بعدها بنضيف المي أو المرقة الساخنة، ونتبل بملح وفلفل ورشة جوزة الطيب إذا بتحبوا. أول ما الصوص يبلش يثقل، بنضيف البروكلي ونرجع الدجاج على المقلاة. نتركهم يطبخوا ٣–٥ دقايق بالكثير لحتى البروكلي يضل فيه قرشة خفيفة والدجاج يضل طري. تتقدم مع رز أبيض، ولا تنسوا عصرة الليمون بالنهاية… بتفرق فرق خرافي

Moe Bayer

Open In TikTok:

Region: DE

Friday 08 May 2026 08:47:15 GMT