Mararka qaar waxa aynu qalbigeenna ku sidnaa dareen aan cid walba fahmi karin. Waxa aynu jeclaanaynaa qof aynu diyaar ugu nahay in aynu wax kasta u hurno, qof aynu farxaddiisa ka hormarino tanteenna, balse isagu u muuqda mid naga sii fogaanaya maalinba maalinta ka dambaysa. Inta aynu jacayl iyo daacadnimo u muujinayno, waxa laga yaabaa inuu inoo arko kuwo daciif ah ama aan qiimo lahayn. Taasi waa xanuunka ugu adag ee qalbi bani’aadam qaadi karo. Laakiin runta jirtaa waxa weeye: jacaylka iyo daacadnimadu ma aha liidasho. Inaad qof si dhab ah u jeclaato ceeb ma aha, balse waxa khaldan inaad naftaada hoos u dhigto si aad u hesho qalbi aan ku qadarinayn. Qof aan ku tixgelinayn mudnaantaada, mar kasta oo aad u oroddo waxa uu sii baranayaa inuu kaa jeedsado. Mararka qaar maskaxdaada ayaa kaa run sheegaysa wax aanu qalbigu aqbalayn. Qalbigu wuu ku xidhan yahay xusuuso, rajooyin iyo dareen, balse maskaxdu waxay kuu sheegaysaa xaqiiqda. Sidaas darteed, ha dayicin codka gudahaaga ka hadlaya. Is ixtiraam, naftaada qiimee, hana noqon qof mar walba dhaawac u dulqaata jacayl magaciis. Waxa aynu nahay dad dareen leh, qalbi jilicsan leh, balse taas macnaheedu ma aha inaynu u qalanno in la ina dhaawaco ama la inaga tago anagoo aamusan. Mar walba xasuuso: qofka saxda ahi ma dareensiinayo inaad qiimo yar tahay. Dhamaantiin waxa aan idiin rajaynayaa bogsiimo qalbiyeed, de ganaan iyo nolol ka wanaagsan middii idin dhaawacday. Ilaahay ha idinka dulqaado murugada, hana idiin furo albaabyo farxad iyo guul waarta leh. Nabadi korkiinna ha ahaato, qalbiyadiinnana ha helaan iftiin iyo rajo cusub. Idamka Alle.#qalbijabmucashaq12 #foryoubage11part1 #qalinkiimucaashaq - @jacylooow