@koop310: باقي ٣٩ يوم ويهلّ شهر المصايب… شهر من يگرب، الروح تبدي تذبل وحدها، والگلب يصير ثقيل، وحتى الضحكة تصير غريبة بوجه الواحد. محرّم مو شهر عادي… هذا شهر الدمع اللي ما ينشف، شهر من ينذكر بي اسم الإمام الحسين، تنكسر الروح قبل العين. يا حسين… شلون ألف سنة وعدّت، ولحد هسه المصيبة تحرگ الگلوب نفس الحَرگة؟ شلون كل سنة من نشوف السواد، نحس كأن الطف توّه صاير؟ بهالشهر، مو بس نبچي على شهيد… نبچي على عطش طفل، على خيمة احترگت، على بنات تركض بين النار والخوف، على ظهر انكسر من كثر المصايب، وعلى راس طاهر ارتفع فوق الرماح والدنيا ساكتة. محرّم من يدخل، تحس الدنيا كلها لابسة حزن. المواكب، الصوت، اللطم، حتى الهوا بي وجع. وكل واحد بقلبه سوال: شلون تحملت السيدة زينب كل هذا الوجع؟ أصعب شي مو البچي… أصعب شي من تتخيل الإمام الحسين بآخر لحظاته وحيد، الكل طاح، الأصحاب راحوا، الأهل راحوا، وهو ينادي، والدنيا ما بيها ناصر. يا محرّم… إنت مو شهر، إنت كسر خاطر للملايين. وكلمن يحب الحسين، من تگرب عاشوراء يحس قلبه يرجف بدون سبب، كأن روحه تدري إن المصيبة ديعيدها الزمن كل سنة. السلام على الإمام الحسين، وعلى العيون اللي تبچي عليه بصمت، وعلى الگلوب اللي تبقى طول العمر مكسورة من بعد كربلة. #اللهم_عجل_لوليك_الفرج #اللهم_صل_على_محمد_وآل_محمد #محمد_باقر_الخاقاني

باقـࢪ||١٤٢٧هـ

Open In TikTok:

Region: IQ

Friday 08 May 2026 09:59:30 GMT