دليلك الشامل لـفروج المسحب خالي الزفرة من التنظيف للتشفية لأروع صينية بالفرن 👨‍🍳🔪 📌 أولاً: محلول النقع (للقضاء على الزنخة 100%) نصف كاسة صغيرة خل. ملعقة ونصف كبيرة ملح. شرائح ليمونة واحدة. كم حبة هيل. عودين قرفة. ورق غار. (تُنقع أفخاذ الدجاج أو الفروج في المحلول ليلة كاملة، أو 3 ساعات كحد أدنى) 🌸🌸 📌 ثانياً: التتبيلة الذهبية (الصوص) نصف كاسة صغيرة زيت. عصير ليمونة واحدة. 3 ملاعق كبار خل. ملعقة كبيرة دبس فليفلة. ملعقة كبيرة دبس بندورة. نصف ملعقة كبيرة ملح. ملعقة صغيرة من (الفلفل، الزنجبيل، الكركم، والكاري). نصف ملعقة صغيرة هيل. ملعقة كبيرة كزبرة يابسة. 🥣 طريقة خلط التتبيلة:نخلط كمية البهارات والمكونات السابقة مع نصف لتر ماء تقريباً، وضروري جداً نشيل قليل من الصوص على جنب لندهن فيه الفروج بآخر مرحلة ليعطينا اللون الخرافي! 💐 📌 ثالثاً: الخضار (إضافات اختيارية) بصل صغير، بندورة كرزية، بطاطا، وجزر. (هذا كله اختياري، وممكن نساوي الصينية سادة بدون خضار بنفس التتبيلة وبتطلع بتشهي). 👨‍🍳 خطوات التحضير وطريقة الشوي بالفرن: 1️⃣ بعد تقطيع الفروج بالنص (أو استخدام فخاد الدجاج)، نضيفه للصينية مع الخضار ونصب فوقه التتبيلة. 2️⃣ نغطي الصينية بورقة زبدة، وبعدين بنحكم إغلاقها بورق القصدير. 3️⃣ مرحلة الشوي مقسمة لـ 3 خطوات لضمان الاستواء واللون: المرحلة الأولى: ندخل الصينية لفرن محمى مسبقاً (ضروري جداً) على حرارة (200 إلى 220 درجة). نضعها في أسفل طبقة بالفرن. (المدة: 40 دقيقة للفخاد، وإذا فروج كامل بنتركه ساعة كاملة). المرحلة الثانية: نكشف ورق القصدير والزبدة، ونرفع الصينية لـ الرف الوسطاني ونخفض الحرارة لـ (180 درجة) لمدة 25 دقيقة تقريباً لتتسبك. المرحلة الثالثة والأخيرة: بآخر 10 دقائق، ندهن الدجاج بصوص التتبيلة اللي شلناه على جنب، ونتركه لياخد لون التحمير الذهبي! 🤤 واظبوا على لا إله إلا الله، وصحتين وعافية على قلوبكم! ❤️ شاركونا رأيكم بالتعليقات، وجربوها وخبرونا بالنتيجة 👇 #طبخات #طبخ #اكل #طعام #explor #explore #fyp #foryou #viral #اكسبلورexplore #اكسبلور - @chefustababaofficial