@ahmedhashim588: ⭕️ لو فتحت مشروعي والزبائن ما أشتروا؟! ⭕️ السؤال الداير في بال أي زول داير يبدأ مشروع سؤال بيقتل الحماس قبل ما تبدأ ⭕️ بتتخيل نفسك تجهّز وتخطط وتدفع وتتعب وبعدين تلقى مافي زبون واحد جاك ، المنتج واقف، والمبيعات صفر، والإحباط شغّال. 🔵لكن خليني أقول ليك الحقيقة الزبائن ما بظهروا ساااي الناس دايرة تعرفك، تثق فيك، وتشوف ليها سبب تشتري منك. 🔴 فقبل ما تقول "مافي زبائن"، اسأل نفسك:👇 ☑️هل قدمت نفسك كويس؟ ☑️هل شرحت المشكلة البحلها مشروعك بوضوح؟ ☑️هل وضّحت الفائدة من خدمتك؟ ☑️هل نشطت في المحتوى؟ ولا فتحت الصفحة وسكت؟ ☑️هل صبرت؟ وإستمرّيت رغم قلة التفاعل؟ 🟡الناس ما بتشتري عشان أنت فتحت صفحة على السوشال ميديا ، الناس بتشتري لمن تشوفك جاد، ثابت، ومختلف. 🟠 ممكن تبدأ وما تلقى زبون في أول أسبوع، ولا أول شهر، لكن لو اشتغلت صح، حتلقى أول زبون، وبعدو عشرة، وبعدو عشرة تانين. 🟢طيب الحل شنو؟👇 1️⃣. أشتغل على المحتوى خلي المحتوى يحكي، يلامس، يوصل لقلوب الناس قبل جيوبهم. 2️⃣. أعرف زبونك الحقيقي ما كل الناس زبائنك، خليك واضح وموجّه. 3️⃣. ابدأ من الدائرة القريبة أصحابك، أهلك، جيرانك خليهم يجربوا، يصوروا، يكتبوا، ينشروا ،دي البداية الحقيقية. 4️⃣. أصبر وأستمر مافي بزنس نجح في يوم وليلة البزنس الناجح هو البعرف يواصل رغم التعب. 🟤وفي النهاية عندك حلين:👇 ☑️ يا توظف كاتب محتوى فاهم مشروعك ☑️يا تتعلم كيف تكتب لمشروعك، والكورسات واليوتيوب مليانة خير! 🟢لكن أهم حاجة ما تخلي الخوف يمنعك من البداية، ابدأ، جرب، أغلّط، وأتعلّم وبتنجح بإذن الله ❤️ 🔥 لو عايز تساعد مشروعك يوصل للناس المحتوى هو البداية. شنو أكتر حاجة بتخوفك من بداية المشروع؟ شاركنا في التعليقات يمكن تلقي ليها حل 👇 #مشاريع_سودانية #مشاريع_صغيرة #مشاريع_زراعيه #ريادة_الأعمال #سودانيز_تيك_توك_مشاهير_السودان💜🇸🇩💜

ahmed hashim 🇻🇨🤍 أحمد هاشم

Open In TikTok:

Region: SD

Friday 08 May 2026 14:40:41 GMT