@..alla02: أحياناً، كلمة واحدة تقدر تغير مصير حكاية كاملة، وده بالضبط اللي حصل بين محمد عبدالوهاب وزوجته نهلة القدسي. اللي حصل إنه وقع خلاف شديد بينهم، خلاف وصل لدرجة إن نهلة سابت مصر وسافرت الأردن وهي زعلانة، وكل محاولات عبدالوهاب إنه يرجعها باءت بالفشل، لا مكالمة نفعت، ولا وسيط قدر يلين قلبها. لحد ما حصل موقف غير كل حاجة… جريدة نشرت مقال بعنوان "هان الود"، بيتكلم عن اللي حصل بينهم، عبدالوهاب اتضايق جداً من نشر التفاصيل بالشكل ده، وراح لصديقه الشاعر أحمد رامي وحكى له كل اللي جواه. وقتها رامي كتب القصيدة دي: "قالوا لي هان الود عليه، ونسيك وفات قلبك وحداني ردّيت وقلت بتشمتوا ليه، هو افتكرني عشان ينساني!! أنا بحبه وأراعي وده، إن كان في قربه ولا في بعده وأفضل أمني الروح برضاه، ألقاه جفاني وزاد حرماني" 💔 عبدالوهاب أول ما قراها… حس إنها بتقول كل اللي مقدرش يقوله، فلحنها وغناها بإحساسه المعتاد، لكن المرة دي، كانت رسالة مباشرة. الأغنية خرجت للناس، لكن كانت موجهة لشخص واحد بس. ولما سمعتها نهلة، فهمت إن اللي بينهم لسه عايش، وإن الحب لسه أقوى من الزعل، فرجعت ليه ولبيتها..❤️ #محمد_عبدالوهاب #نهلة_القدسي #اغاني #الفن #ذاكرة_الفن🤍

🤍ذاكرة_الفن🤍A,laa🕊️

Open In TikTok:

Region: EG

Friday 08 May 2026 21:00:30 GMT