@imseansfiancee: POV//— អ្នកបានលួចស្រឡាញ់ Juhoon ចាប់តាំងពីអ្នករៀននៅអនុវិទ្យាល័យមកម៉្លេះ។ រហូតដល់បច្ចុប្បន្នអ្នកទាំងពីរបានសម្រេចចិត្តទាក់ទងគ្នាប៉ុន្តែជាលក្ខណៈ Private ដោយសារតែអ្នកនៅយល់ថាអ្នកមិនទាន់ល្អគ្រប់គ្រាន់សាកសមនឹង Juhoon នៅឡើយទើបអ្នកសម្រេចចិត្តសុំគេ Private វាមានរយៈពេល5ខែហើយ។ សព្វថ្ងៃនេះ Juhoon គឺជាប្រធានក្រុមប្រឹក្សាសិស្សនៅក្នុងសាលានេះតែម្តងគេគឺជាសិស្សច្បងរបស់អ្នក ចំណែកអ្នកគឺរៀននៅថ្នាក់ទី11នៅឡើយហើយត្រឹមតែជាសិស្សធម្មតាម្នាក់ អ្នករៀនមិនសូវពូកែប៉ុន្មានទេលើមុខវិជ្ជាវិទ្យាសាស្ត្រប៉ុន្តែអ្នកពិតជាខិតខំប្រឹងរៀនខ្លាំងណាស់ នេះគឺជាមូលហេតុដែលអ្នកមិនហ៊ានបង្ហាញពីទំនាក់ទំនងអ្នកនិង Juhoon ព្រោះតែការសិក្សារបស់អ្នកទាំងពីរគឺខុសគ្នាខ្លាំងណាស់ព្រោះ Juhoon ជាសិស្សពូកែប្រចាំសាលា។ ថ្ងៃនេះដែរក្រុមប្រឹក្សាសិស្សបានចូលមកឃោសនាបន្តិចបន្តួចពីគម្រោងបុណ្យសាលានាពេលខាងមុខនេះនៅក្នុងថ្នាក់រៀនរបស់អ្នកហើយក៏មានវត្តមានរបស់ Juhoon ផងដែរ។ នៅពេលដែលមិត្តរួមក្រុមរបស់គេកំពុងនិយាយ ភ្នែករបស់ Juhoon ផ្តោតសម្លឹងមកមើលតែអ្នកម្នាក់គត់ដែលធ្វើឱ្យអ្នកធ្វើខ្លួនមិនត្រូវសោះឡើយ។ ខណៈនោះមានសិស្សស្រីម្នាក់សួរទៅកាន់ Juhoon ថា «សិស្សច្បងតើនឹងមានការសារភាពស្នេហ៍តាមរយៈសំបុត្រដែរទេ?» Juhoon យកដៃច្រត់នឹងតុគ្រូរួចឆ្លើយតបថា «រឿងនេះគឺកើតមានសឹងតែរាល់ឆ្នាំហើយ» «អញ្ចឹងតើសិស្សច្បងនឹងសារភាពប្រាប់សិស្សច្បង haemin ដែរទេ? មើលទៅសិស្សច្បងទាំងពីរពិតជាសាកសមនឹងគ្នាខ្លាំងណាស់» គ្រាន់តែសិស្សស្រីម្នាក់នោះនិយាយចប់សិស្សៗក៏នាំគ្នាហ៊ោព្រោះថា Juhoon និង haemin សុទ្ធតែជាសិស្សពូកែនិងមានប្រជាប្រិយភាពដូចគ្នា។ អ្នកឮបែបនេះបានត្រឹមឱនមុខចុះនិងរាងអាក់អន់ចិត្តបន្តិច Juhoon គេក៏បានឃើញដូចគ្នា… លុះពេលល្ងាចបន្តិចអ្នកក៏ដើរចេញពីថ្នាក់រៀនទាំងអាក់អន់ស្រពន់ចិត្តនឹងរឿង Juhoon និង haemin ផងទាំងរឿងពិន្ទុប្រឡងគណិតវិទ្យាបានខ្សោយទៀត។ អ្នកសឹងតែពេបមាត់យំហើយព្រោះថាពិន្ទុគណិតរបស់អ្នកគឺខ្សោយខ្លាំងណាស់ គាប់ជួននឹងពេលនេះមេឃក៏ភ្លៀងល្មម អ្នកក៏ប្រញ៉ាប់រកកន្លែងជ្រកភ្លៀង។ ភ្លាមៗនោះក៏មាននរណាម្នាក់យកអាវក្រៅមកគ្របលើស្មារបស់អ្នក អ្នកងាកទៅក៏ជា Juhoon គេញញឹមដាក់អ្នក «រងារត្រូវទេ? អូនកើតអីមែនទេ? ហេតុអីភ្នែកក្រហមយ៉ាងនេះ» Juhoon គេនិយាយទាំងបារម្មណ៍ចំណែកអ្នកស្រាប់តែយំយកតែម្តង ឃើញបែបនេះគេក៏ទាញអ្នកយកមកឱបយ៉ាងណែនដោយដៃលើកអង្អែលក្បាលរបស់អ្នកថ្នមៗ។ រួចJuhoon មិនបាននាំអ្នកមកផ្ទះភ្លាមៗនោះទេគេបាននាំអ្នកមកហាងការ៉េមមួយ។ អ្នកនិយាយប្រាប់គេពីលិទ្ធផលការសិក្សារបស់អ្នក។ «មិនអីនោះទេ ចាប់ពីថ្ងៃនេះបងនិងជួយបង្រៀនអូនរាល់ថ្ងៃហើយឈប់ប្រកែកនឹងបងទៀតទៅបងក៏ចង់ចំណាយពេលជាមួយអូនឱ្យច្រើនដូចគ្នា» «បងពិតជាមានពេលទំនេរសម្រាប់ខ្ញុំមែនឬ?» «សម្រាប់អូនបងតែងតែទំនេរជានិច្ច» គេនិយាយទាំងញញឹមផ្អែមមកកាន់អ្នក រាល់ដងពេលដែលគេចង់បង្រៀនអ្នក អ្នកតែងតែប្រកែកព្រោះអ្នកគិតថាឆ្នាំនេះជាឆ្នាំដែលគេប្រឡងទើបមិនចង់រំខានគេ « Juhoon ហា? ហេតុអីបងព្រមទទួលយកក្តីស្រឡាញ់របស់អូន? ទាំងដែលគេគ្រប់គ្នានិយាយថាបងនិង haemin ពិតជាសាកសមនឹងគ្នា» «នរណាឱ្យអូនសួរបងបែបនេះហាស? បងស្រឡាញ់អូនជាអូន អូនជាមនុស្សដែលស្លូតបូត ចិត្តល្អ ស្មោះត្រង់ ហើយបងមើលទៅអូនរៀនមិនសូវពូកែប៉ុន្តែអូននៅតែព្យាយាមទាស់ត្រង់ម៉្យាងគឺអូនក្បាលរឹង» «Huhh? ប៉ុន្តែសិស្សច្បង haemin ស្អាតខ្លាំងណាស់» «យ៉ាងមិច Y/N ចង់ឱ្យបងទៅយកគេ? Y/N ត្រូវចាំណាអូនគឺស្រស់ស្អាតបំផុតសម្រាប់បងបើទោះបីជាអូនគ្មានការតុបតែងមុខដូចជានារីដទៃក៏ដោយ យល់ទេ?» Juhoon គេបានច្បិចថ្ពាល់របស់អ្នកទាំងខ្នាញ់ «ដូច្នេះឈប់គិតអវិជ្ជមានលើខ្លួនឯង ឈប់បង្អាក់ខ្លួនឯងទៀតឮដែរទេ អូនគឺល្អឥតខ្ចោះសម្រាប់បង» អ្នកញញឹមយ៉ាងស្រស់មិននឹកស្មានថាខ្លួននឹងមានសំណាងថ្នាក់នេះសោះ «ឥឡូវអូនចង់បានការ៉េមរសជាតិអ្វី? វ៉ាន់នីឡាដដែលមែនទេ?» «គឺពិតមែនហើយ» «បានណា អូនសម្លាញ់ ចាំបន្តិចបងនឹងទៅយកឱ្យអូន» អ្នកអង្គុយទាំងសប្បាយចិត្ត អ្នកមិនខ្វល់ពីអ្វីទៀតនោះទេ អ្នកកំពុងតែសប្បាយចិត្តនឹងការយកចិត្តទុកដាក់ របស់គេចំពោះអ្នក។ បើទោះជាអ្នកមិនសប្បាយចិត្តនឹងពាក្យសម្តីសិស្សៗដ៏ទៃនិយាយអំពី juhoon និង haemin ក៏ដោយប៉ុន្តែវិធីដែល Juhoon មើលថែអ្នកធ្វើឱ្យអ្នកមានអារម្មណ៍ថាអ្នកគឺជាមនុស្សពិសេសម្នាក់ក្នុងពិភពលោករបស់គេអញ្ចឹង។ __endd__/// good morning y’all 🌞 #juhoon #cortis #pov #shortnovel #justpov

Stephyeonieᢉ𐭩

Open In TikTok:

Region: KH

Saturday 09 May 2026 01:10:51 GMT