علي الشيخ قال ليها... الغزال العينو رمحة ،قوامو بانة ،ولونو قمحة سويت دريب البي الساساكة كان القا لي منو لمحة ! وصف عيونها بالرماح وكلنا عارفين انو الرمح هو حد السيف وياسلام على بلاغة الوصف ،وقوامها بشجر البانة الطويل ،ولونها لون القمح الاسمر الناعم لدرجة انو من جمالها بقا يسكها ويفتش دربها بس عشان يلمحها مجرد لمحة !. الله لي انا من جمالو ،والله مالاقيت مثالو ،منو مابوقفني عمو ،لابرضا واسمع نضم خالو. من شدة حبو الشديد اتحدى حتى اسرتها عشان يوصل ليها لدرجة انو عمها وخالها ماهموهو ولسا مواصل يعافر عشانها. الله من خدو البابايا ،والشامة كملت الحكاية ،جنيت عديل انا مابرايا ،سوو لي حجاب بخرة ومحاية . وصف خدها بثمرة البابايا ،ووضح تفصيل الشامة الخلتها كاملة في نظرو بالنسبة ليهو ،ومن شدة افتتانو بيها وصل لمرحلة الجنون وحس انو بحتاج لشيخ عشان يفك اثر الغرام الهو واقع فيهو . فيهو بكتل اسوي جريمة ،دايرو ياناس بالقسيمة ،الحاشا تب مافيهو كليمة،والكامل من راس ل قديمة . وصل لمرحلة انو مستعد يقتل اي شخص ممكن يتعرض ليها ،لانو عايز يتزوجها ويشبع بيها نظرو بحلال ربنا ،وصفها بانها كاملة والكمال لله ،يعني حتى ماشايف فيها اي عيب او نقص . وختم الاغنية بمقطع جميل شديد .. اساسك بيه يومي بيتو،جنيت عديل انا ياخ حبيتو،دخلتو جوا قليبي اتوهط ،وقفلت باب قلبي سديتو. ولسا بعافر عشانها وكل يوم بمشي بيتها ودا من جنونو بحبها لانو دخلها جوا قلبو وقفل عليها كل احلامو فهل ياترى اهلها حيدوها ليهو ..!! بعد وافقو غنى ليها ... فرحته بي بهجة لُغااك - @user65403804433354