@mounir.ben.yousse4: ✍️ #الترنتينات زمان ... اليوم باش نحكيلكم في سلسلة #لعبة_شعبية_في_الذاكرة على لعبة أخرى من #الالعاب_الشعبية زمان، يوم كنا نصنعوا العابنا بأيدبنا ونخلقوا الفرحة و البهجة في زمان ما كانش فيه لا ألعاب جاهزة جاية من وراء البحر ولا العاب اكترونية ننشغل بها ونعبي بها وقتنا ... لعبة الترنتينات... وأجمل #الذكريات ❤️ لي نهار نخمموا باش نصنعوها كنا نفركسو في دواير المنزل على لوحة مستطيلة تكون مكان الجلوس، مع لوحات أخرين قص منا زيد منا نقص منا ... وبعد نثبتوها بمسامير في بعضها ونعملولها مقود مثبت في Axe .. ونثبتو القطعة الخشبية الرئيسية على أربع عجلات لي تكون عادة كعبات Roulements دبرناهم من أي خردة. مشوار تحضر الترنتينات والرايح و المندرة تع المنزل تنادي... ولا فوڨ سطحة الفسيقية ... وين يتلموا صغار المنزل وتسمع كان حس هراش وصياح : "ترا ايا ذر بيا ونذر بيك" 😊 جري ولهيط واحد يدز لاخر يركب وبعد العكس، وأحلى لمة وضحك وشيخات... وساعات هاو واحد تڨلبت بيه وتجرحو ركايبو وهو لا هامه شي ... يكذّب وينسي حتى كان وجعاته الطيحة ويكمل يلعب 😃 كيفها كيف كل لعبة شعبية من أيام #الجيل_الذهبي جيل السبعينات والثمانينات ومحلاها كي كانت الفرحة تتصنع من الخردة، بالمسمار والخشبة وغيرها من الاشياء المتروكة في كل منزل ❤️ __________________________؛ منير بن يوسف خواطر جربية