‏ئەی ئەوانەی ئینکاری (کەرامات) دەکەن چاویلکەی کوێری لادەن .! ‏ ‏ئەی ئەو تاقمەی کە خۆتان کردووە بە پارێزەری دین و لە ئەسڵدا دژایەتی دەقە ڕوونەکانی قورئان و سوننەت دەکەن .. ‏ ‏١. ئێوە کێن تا سنوور بۆ دەسەڵاتی خوا دابنێن .؟ ‏ئەگەر دەڵێن کەرامات نییە، واتە ئینکاری قورئان دەکەن .! ئایا چیرۆکی حەزرەتی مریەم و میوەی بێ وەرز لە قورئاندا نییە .؟ ئایا چیرۆکی ئەسحابی کەهف و خەوتنی ٣٠٩ ساڵ فەرمانی خوا نەبوو .؟ یان ئەوانیش بە لای ئێوەوە (شیرک و بیدعەن) .؟ ‏ ‏بەڵێ .! ‏چیرۆکی حەزرەتی مریەم لە قورئاندا باس کراوە کاتێک حەزرەتی زەکەریا دەچووە لای دەی‌بینی ڕزق و میوەی لایە کە وەرزی ئەو میوەیە نەبوو ، کاتێک لێی دەپرسی ئەمەت لەکوێ بوو؟ دەیفەرموو «هُوَ مِنْ عِندِ اللَّهِ» (ئەمە لەلایەن خوداوەیە) ئەمە کەرامات بوو چونکە حەزرەتی مەریەم پێغەمبەر نەبوو .. ‏ ‏ ئەسحابی کەهف‌یش بەهەمان شێوە مانەوەیان بۆ ماوەی ٣٠٩ ساڵ بە زیندوویی لەناو ئەشکەوتێکدا بەبێ خواردن و خواردنەوە گەورەترین بەڵگەی کەراماتی پیاوچاکانە .. ‏ ‏وە ئەو کەسەی لای حەزرەتی سولەیمان بوو کە توانی تەختی بەڵقیس لە چاو تروکانێکدا بهێنێت (الذي عنده علم من الكتاب) ئەویش پێغەمبەر نەبوو بەڵکو پیاوچاکێکی لای حەزرەتی سولەیمان بوو .. ‏ ‏وە هەروەها لە حەدیس‌یشدا باسی کەرامات کراوە ‏ ‏فەرموودەی (جوڕەیجی عابید) کە منداڵێکی شیرەخۆر لەبەر کەراماتی ئەو هاتە دەنگ و بێتاوانی جورەیجی سەلماند ..! ‏ هەروەها فەرموودەی ئەو سێ کەسەی لەناو ئەشکەوتەکەدا گیریان خواردبوو و بە هۆی کردەوەی چاک و کەراماتی ئیلاهی بەردەکەیان بۆ لادر .. ‏ ‏کێشەی ئێوە ئەوەیە دینتان تەنها لە چەند لاپەڕەیەکی وشکدا کورت کردووەتەوە و ناتوانن ئەو پەیوەندییە ڕۆحییە ببینن کە خوا لەگەڵ دۆستەکانی خۆی هەیەتی .. کاتێک ئیمامی عومەر لەسەر مینبەرەوە هاواری کرد (یا ساریة الجبل) و دەنگی گەیشتە سەدان کیلۆمەتر ئەوە کەرامات بوو ، نەک ئەو فەلسەفە پووچەی ئێوە بڵاوی دەکەنەوە. ‏ ‏ ‏هەموو زانایانی ئەهلی سوننە ، لە پێشەوا ئەحمەدەوە تا دەگاتە تەحاوی، کەراماتیان بە حەق زانیوە .. ئێوە کە کەرامات ڕەت دەکەنەوە لەسەر ڕێچکەی سەلەفی ساڵح نین ، بەڵام بە ناوی سەلەفەوە خەڵک چەواشە دەکەن. ‏ ‏#ئەشعەری #ماتوریدی #حەنبەلی - @chra_xan10