کبھی کبھی انسان اپنی ہی زندگی کے سامنے خاموش کھڑا رہ جاتا ہے۔ دل میں ہزار خواب، آنکھوں میں بے شمار امیدیں، اور سوچوں میں ایک خوبصورت مستقبل ہوتا ہے، مگر وقت جب اپنی مرضی سے چلتا ہے تو انسان بس دیکھتا رہ جاتا ہے کہ جو سوچا تھا وہ کہیں پیچھے رہ گیا اور جو ہو رہا ہے وہ دل کو توڑنے کے لیے کافی ہے۔ کبھی ہم نے سوچا تھا کہ زندگی میں سکون ہوگا، اپنے ہوں گے، خوشیاں ہوں گی، مگر اب حالت یہ ہے کہ ہنستے ہوئے بھی دل اندر سے رو رہا ہوتا ہے۔ کچھ زخم ایسے ہوتے ہیں جو کسی کو دکھائی نہیں دیتے، مگر ہر رات انسان کو خاموشی سے توڑتے رہتے ہیں۔ سب سے زیادہ تکلیف تب ہوتی ہے جب انسان اپنی پرانی امیدوں کو یاد کرتا ہے۔ وہ خواب جو کبھی بہت قیمتی لگتے تھے، آج ادھورے پڑے ہوتے ہیں۔ انسان خود سے سوال کرتا ہے کہ آخر کہاں غلطی ہوئی؟ کیوں قسمت نے وہ راستہ نہیں دیا جس کی دعا مانگی تھی؟ اور پھر دل بس خاموش ہو جاتا ہے، کیونکہ بعض سوالوں کے جواب وقت بھی نہیں دیتا۔ زندگی کی سب سے بڑی تھکن جسم کی نہیں بلکہ دل کی ہوتی ہے۔ جب انسان ہر کسی کے سامنے مضبوط بننے کی کوشش کرے مگر اندر سے مکمل ٹوٹ چکا ہو۔ کبھی کبھی اتنا دل بھرتا ہے کہ انسان صرف خاموش رہنا چاہتا ہے، کسی سے بات نہیں کرنا چاہتا، کیونکہ اسے لگتا ہے کہ اب کوئی اس کے درد کو سمجھ ہی نہیں سکتا۔ لیکن ایک حقیقت یہ بھی ہے کہ زندگی ہمیشہ ایک جیسی نہیں رہتی۔ یہ مشکل وقت، یہ اداسی، یہ بے بسی… سب عارضی ہیں۔ اللہ کبھی کسی کے دل کی حالت سے بے خبر نہیں ہوتا۔ وہ انسان کے آنسو بھی دیکھتا ہے اور وہ دعائیں بھی سنتا ہے جو صرف دل میں مانگی جاتی ہیں۔ شاید آج جو کچھ ہو رہا ہے وہ ہماری سمجھ سے باہر ہو، مگر ممکن ہے کل یہی درد ہمیں پہلے سے زیادہ مضبوط بنا دے۔ اس لیے اگر دل بہت روئے تو خود کو کمزور مت سمجھو۔ حساس دل رکھنے والے لوگ ہی زیادہ محسوس کرتے ہیں، زیادہ محبت کرتے ہیں، اور زیادہ ٹوٹتے بھی ہیں۔ بس یقین رکھو کہ ایک دن یہی زندگی تمہیں وہ سکون بھی دے گی جس کے لیے آج تم راتوں کو جاگتے ہو۔ کبھی کبھی دیر ضرور ہوتی ہے، مگر اللہ کی رحمت اندھیر نہیں کرتی۔ 🖤 #deeplinespoetry🥀 #1millionviews #foryoupage #viewsproblem #deepthought - @ahmad._.writes4