@abebaabeba121: ተስፋ ማለት እንታይ ማለት እዩ?👇🏾 ሓደ እዋን ሓደ በዓል ሞያ (ገፋፍ ዓሳ) ነበረ እዚ ሰብኣይ እዚ መዓልታዊ ናብ ባሕሪ ይወፍር፣ግን ንሓያሎ መዓልታት ሓንቲ ዓሳ እኳ ኣይሓዘን፣ገዝኡ ክምለስ ከሎ ጎረባብቱ "እዋይ እዚ ሰብኣይ ዕድል ዘይብሉ፣ገና ባዶ ኢዱ ይመጽእ ኣሎ" እናበሉ ይሓምይዎ ነበሩ። ሓደ መዓልቲ፣ሓደ መንእሰይ ቀሪቡ ሓተቶ፦"ኣታ ሓውና መዓልታዊ ትወፍር፣ሓንቲ ዓሳ እኳ ኣይትሕዝን ተስፋ ኣይቆረጽካን ዲኻ?ተስፋ ማለት ንዓኻ እንታይ ማለት እዩ?"ኢሉ ሓተቶ! እቲ ሰብኣይ ፍሽኽ ኢሉ ከምዚ በሎ፦ "ኣነስ ተስፋ ማለት፣ምሸት ባዶ ኢደይ ክምለስ ከለኹ፣ጽባሕ ንግሆ መርበበይ ጸጊነ ዝወፍረሉ ሓይሊ እዩ።ዓሳ ሎሚ ኣይተታሕዘን ማለት፣ባሕሪ ዓሳ የብሉን ማለት ኣይኮነን።እታ ናተይ ዓሳ ገና ኣብቲ ባሕሪ ኣላ፣ኣነ ጥራይ እየ ንዓኣ ክረክብ ትዕግስቲ ዘድልየኒ።"ስለዚ እየ ጉዕዞይ ደው ዘየብል ጽባሕ ክዕወት ሎሚ ክቅጽል ኣለኒ። ኢሉ መለሰሉ! እቲ መንእሰይ ብዘረብኡ ተገረመ።ንጽባሕቱ እቲ ሰብኣይ ከም ወትሩ መርበቡ ሒዙ ወፈረ።ድሕሪ ሒደት ሰዓታት፣ካብቲ ኩሉ ግዜ ዝጥሕለሉ ዝነበረ ቦታ ርሕቅ ኢሉ መርበቡ ደርበየ። ምስ ስሓቦ ግን፣እቲ መርበብ ክሳብ ዝበጣጠስ ዝኣክል ዓበይቲ ዓሳታት መሊኡ ወጸ። ተስፋ ማለት ኩሉ ነገር ጽቡቕ ክኸውን ከሎ ጥራይ ምስሓቕ ኣይኮነን።ተስፋ ማለት ኩሉ ጸልሚቱካ ከሎ፣"ጽባሕ ጸሓይ ክትበርቅ እያ" ኢልካ ምእማን እዩ።መርበብካ ጸጊንካ ምጽባይ ጥራይ እዩ ዘድልየካ! ምንጪ✍️ #LazanaofficalTV