@lazana.official.tv: ​ ሓደ እዋን፡ ሓደ መንእሰይ ንሓንቲ ጓል ብምሉእ ልቡ የፍቅራ ነበረ። ንዓኣ ዘይገብሮ ነገር ኣይነበረን፡ ግጥሚ ይጽሕፈላ፡ ህያባት ይዕድገላ፡ ኩሉ ግዜ ድማ "ኣዝየ እየ ዘፍቅረኪ" ይብላ ነበረ። እታ ጓል እውን ትፈትዎ ነበረት። ​ግን ሓደ ዓቢ ጸገም ነበረ፦ እቲ መንእሰይ ንሳ እትብሎ ነገር ኣይኣምኖን ነበረ። ​ቴለፎን ምስ ደወለት "ምስ መን ኔርኪ?" ይብላ። ​ምስ ኣዕሩኽታ ክትወጽእ ከላ "ርግጸኛ ዲኺ ምስኣቶም ኢኺ?" ኢሉ ይጥርጥራ። ​ክሳብ ማሕበራዊ ሚድያታታ (Passwords) ክትህቦ የጨንቃ ነበረ። ​ሓደ መዓልቲ እታ ጓል ክልተ ናይ ሽምዓ ብርሃን ሒዛ መጸት። እታ ሓንቲ ሽምዓ "ፍቅሪ" ትብል ጽሑፍ ነበራ፡ እታ ካልአይቲ ድማ "እምነት" ትብል ነበረት። ​ነታ "ፍቅሪ" እትብል ሽምዓ ወለዓታ እሞ፡ "እዛ ሽምዓ እዚኣ ነቲ ንዓይ ዘሎካ ስምዒት ትውክል፡ ብጣዕሚ ትበርህ ኣላ" በለቶ። ቀጺላ ነታ "እምነት" እትብል ሽምዓ ወለዓታ። ድሕሪኡ ብሓይሊ ትንፋስ ነታ "እምነት" እትብል ሽምዓ ኣጥፍኣታ። ​በቲ ዝተፈጥረ ጸልማት እታ ናይ "ፍቅሪ" ሽምዓ በይና ክትነድድ ጀመረት። ንፋስ ክመጽእ ከሎ ግን እታ ናይ ፍቅሪ ሽምዓ በይና ስለ ዝነበረት ክትወድቅን ክትጠፍእን ጀመረት። ​እታ ጓል ከምዚ በለቶ፡ ​"ትርኢ ኣለኻ? እምነት ምስ ጠፍአት፡ ፍቅሪ በይና ክትቃለስ ኣይትኽእልን እያ። ብዘይ እምነት ዘሎ ፍቅሪ፡ ከምቲ ብዘይ መሰረት ዝተሃንጸ ህንጻ እዩ፡ ንፋስ ጥርጣረ ኪመጽእ ከሎ ቀልጢፉ ይፈርስ።" ​ካብታ መዓልቲ እቲኣ ጀሚሩ እቲ መንእሰይ ሓደ ዓቢ ምስጢር ተረድአ፡ ፍቅሪ ንልቢ ከም ዝህወኽ ይገብሮ፡ እምነት ግን ንልቢ ሰላምን ዕረፍትን ይህቦ። ​"እምነት ዘይብሉ ፍቅሪ፡ ትንፋስ ከም ዘይብሉ ሰብ እዩ። ክልቲኦም ብሓደ እንተዘይተጓዒዞም፡ እቲ ጕዕዞ ናብ ስቃይ ይቕየር።" ​#ፍቅሪ #እምነት #ዛንታ #Tigrinya #Motivation

Lazana Offical TV

Open In TikTok:

Region: UG

Sunday 10 May 2026 20:37:47 GMT