၁။ အိမ်မှာလုံးစုံ၊ ပတ်လည်အုံ၊ ဆီဆုံ မရှိကောင်း။ ၂။ ပဒိုင်းခတ္တာ၊ ပဲကြီးဝါ၊ နီးစွာ မစိုက်ကောင်း။ ၃။ မျောက်နှင့်ဖရုံ၊ နီးစိုက်တုံ ဖျင်းသုဉ်း ပျက်တတ်ကြောင်း။ ၄။ အိမ်ရှေ့မှာသာ၊ နွားထားရာ မြန်စွာ ပျက်စီးကြောင်း။ ၅။ ထဘီ တဘက်လျှင်၊ ပခုံးတင် ဆွဲငင် မရိုက်ကောင်း။ ၆။ သားမြေးတို့ကို၊ သွေးသံယို မျက်လို မရိုက်ကောင်း။ ၇။ ချိုကျိုးကျွဲနွား၊ ကန် ငြား ဆင်မြင်း စီးနင်းခြင်း၊ ရှောင်ကွင်း မဝယ်ကောင်း။ ၈။ ချိုတည်လူးနွား၊ အိမ်မှာထား စီးပွား ဆုတ်ယုတ်ကြောင်း။ ၉။ ရွာပြင် အိမ်ပြင်၊ သေလေလျှင် ရွာအိမ်အတွင်း မသွင်းယူရ။ ၁၀။ မသာပို့ရာ၊ အလောင်းဟာ၊ နောက်မှာထား၍ မပို့ကောင်း။ ၁၁။ မသာချသွား၊ အိမ်ရှေ့ပါး၊ ရပ်နား မပြုကောင်း။ ၁၂။ တံခွန်ကုက္ကား၊ ကြက်လျှာများ စိုက်လွှားအိမ်မှာ မပြုနှင့်။ ၁၃။ အိမ်ရှေ့ သမိုက်၊ ထရံ၌ စိုက်၍လေးကို မထားနှင့်။ ၁၄။ စားဖွယ်သောက်ရံ၊ ခွက်ပန်းကန် အသံမြည်အောင် မချနှင့်။ ၁၅။ ရေလဲမည်တွင်၊ ထဘီလျှင် အိမ်ရှေ့ အပြင် မလှန်းနှင့်။ ၁၆။ ခေါင်းလျှော်ပြီးလျှင်၊ ထိုဆံပင် နေတွင် မလှန်းနှင့်။ ၁၇။ စားဖွယ်ပို့လာ၊ ခွက်ယောက်မှာ ဆေးကာပြန်လည် မပေးနှင့်။ ၁၈။ ကိုယ်ဝန်ဆောင်မိန်းမ၊ စားသမျှ ကိုယ်ကယူငင် မစားနှင့်။ ၁၉။ ကိုယ်ဝတ်တသွယ်၊ သားသူငယ် ဓားဝယ် မမြှောက်နှင့်။ ၂၀။ အုပ်ဆောင်းပခြုပ်၊ ဦးထုပ်တဖြာ ဆန်ကာမှာ၊ ထေးဖာ မသုံးနှင့်။ ၂၁။ သင်ဖြူးအိပ်ရာ၊ ခေါင်းပေါင်းမှာ ထေးဖာ မသုံးနှင့်။ ၂၂။ ရေလဲခေါင်းပေါင်း၊ မကောင်းတလီ အကျီလည်ကုပ်၊ ပြတ်စုတ် မချုပ်နှင့်။ ၂၃။ ဥစ္စာမာန်အား၊ ဤသုံးပါး ကိုးစား မပြုနှင့်။ ၂၄။ လူကြီးမိဘ၊ မိတ္တာတထွေ မိုးမြေသသင်း၊ နေလမင်း မုန်းတင်းစကား မဆိုနှင့်။ ၂၅။ သတင်းအရှိန်၊ စည်းစိမ်ပညာ ကြီးသူမှာ၊ ဝင်ကာ မခိုသင့်။ ၂၆။ သူ၏ဦးခေါင်း၊ တကြောင်းကျည်ပွေ့ အရှေ့ထရံ၊ ဤသုံးတန် ခုန်ပျံ မကျော်နှင့်။ ၂၇။ ကြိုးကြိမ်တန်းနှင့်၊ တံခါးလက်ကတုံး သုံးခုလုံး၊ ကုန်းကွဝင်လို့ မလျှိုနှင့်။ ၂၈။ သားတစ်သီဖို့၊ မဲတံစို့ ထောင်လို့ မထားနှင့်။ ၂၉။ ခရီးရောက်ခါ၊ အိပ်ရာထစ ဒေါသမျက်ပွား၊ ဤသူများ စကားလိုရာ မမေးနှင့်။ ၃၀။ မသန့်ပြန့် တခန်း၊ လမ်းလယ် တရပ် သူမြတ်နေရာ၊ ဤသုံးဖြာ တက်ကာ မနေနှင့်။ ၃၁။ နှုတ်ပိုက်ရှိငြား၊ မိန်းမများ၊ သွား၍ မချီနှင့်။ ၃၂။ မိန်းမမွေးနေ့၊ သီတင်းနေ့ နေ့လယ်အခါ၊ ဤသုံးဖြာ ကာမမြူးထူး မကျူးနှင့်။ ၃၃။ လိုမရှိခါ၊ အင်္ဂါမမှန် (ကျောင်းကန်ဘုရား) သွားရင်းတထွေ သနျဓရငြေ့မာ၊ ဤအခါ ကာမမြူးထူး မကျူးနှင့်။ ၃၄။ ဆရာမိဘ၊ ကိစ္စတထွေ မီးနှင့်ရေ၊ မထီလေးစား မပြုနှင့်။ ၃၅။ စလောင်းတတန်၊ ပန်းကန်တသီး ဤမြေကြီး၊ ခတ်တီးမပြုနှင့်။ ၃၆။ ထမင်းဟင်းအိုး၊ မွှေထိုးယောက်မ လက်ကိုင်က၊ မီးမှာပြန်ကာ မထိုးနှင့်။ ၃၇။ မီး မတောက်လျှင်၊ စားဖိုခွင် ပြိုင်ယှဉ်နှစ်ယောက် မမှုတ်နှင့်။ ၃၈။ ခေါင်းပေါင်းတမျိုး၊ ပုဆိုးတဘက် သစ်ရွက်နားပန်၊ ဆံပင်တလတ် ဤလေးရပ်၊ ဖြတ်တိ မပြုနှင့်။ ၃၉။ လက်ဆုံစားလူ၊ အိမ်နေသူ ကိုယ်မှု နှုတ်ပိုက်ရှိ။ ဆင် မြင်း ကျွဲ နွား၊ စသည်များ ဝယ်မှား ဘေးဒဏ်ထိ။ ၄၀။ အဦးသီး သစ်ဦး၊ ဖလမိန်းမ မဆွတ်ကောင်း။ မိန်းမဆွတ်ငြား၊ သစ်သီးများ ပျက်ပြား သိမ်ဖျင်းကြောင်း။ ၄၁။ သန္ဓေရင့်မာ၊ မိတ်သဟာ မင်္ဂလာလက်ဖွဲ့ မပြုနှင့်။ ။ ✅နေအိမ်ဆောက်တဲ့အခါ ရှောင်ရမယ့် ကိစ္စတွေက- (ညှိုးကုန်းဆရာတော် သုတသန္တိစယ ၁၉၇၃ - စာ-၂၈-၉) ၄၂။ အိမ်အမိုးတွင်၊ ထုပ်ကိုလျှင် စွန်းတင် မထားနှင့်။ ၄၃။ ကြမ်းထက်မောက်မို၊ တိုင်တိုကို ပိုလို့ မထားနှင့်။ ၄၄။ အိမ်မဆောက်ခင်၊ ဝင်းခတ်လျှင် ရန်ပင် ဘေးတွေ့သင့်။ ၄၅။ ကွန်းတိုင်ပေါ်တွင်၊ ဝါးကိုဝင် ဆင်ခြင်မပြုနှင့်။ ၄၆။ ခေါင်လျှောက်ခွတင်၊ မပြီးခင် ကြမ်းတွင် မဖောက်နှင့်။ ၄၇။ ထုပ်စွန်းထက်သာ၊ စရွေးမှာ ရှည်ကာ မထားနှင့်။ ၄၈။ အိမ်သစ်ပြီးမြောက်၊ အနောက်တောင်ပါး နောက်မြောက်ပါး၊ တံခါးမပြုနှင့်။ ၄၉။ အိမ်ဆောက်ပြီးခါ၊ အောက်ဝါ မြင့်မူ ထားသင့်ဟူ၊ နေသူ ဥစ္စာပါး။ အောက်ဝါနိမ့်မှု၊ လိပ်သင့်ဟူ နေသူရောဂါများ။ ✅အိမ်သစ်ဆောက်ဖို့ သစ်စုဆောင်းတဲ့အခါ မလုပ်ရတာတွေ ရှိသေးတယ် - ၅၀။ သိမ်းစွန် ခင်ပုပ်၊ နေတောအုပ် သစ်ခုတ် မပြုအပ်။ လင်းတ စစွာ၊ ငှက်ယုတ်မာ၊ နေရာ မခုတ်အပ်။ ၅၁။ ခုတ်ခါတွဲလဲ၊ ပေါ်မှာဆွဲ၊ ဆွဲချသစ်ဟုမှတ်။ ဆွဲချသစ်များ၊ သုံးဆောင်ငြား ပျက်ပြား သေဆုံးတတ်။ ၅၂။ ထက်ကြီးအောက်ရှုး၊ အနေထူး ဘီလူးသစ်ဟုမှတ်။ ဘီလူးသစ်တွင်၊ သုံးခဲ့လျှင် လင်နှင့်မယား သေဆုံးတတ်။ ၅၃။ လမ်းကိုလွန်ကျူး၊ ချောင်းကိုကူး လမ်းချောင်းကူးဟုမှတ်။ လမ်းချောင်းကူးမှာနေခဲ့ပါ၊ ငါးဖြာရန်တွေ့တတ်။ #viral #crd #foryouシ #thankb4youdo - @www.tiktok.compoem1