Ahmad aljbawi
Region: EG
Monday 11 May 2026 05:18:18 GMT
180
6
1
0
Music
Download
Comments
Midosha store :
❤️❤️❤️
2026-05-11 12:15:22
0
To see more videos from user @aljbawiahmad, please go to the Tikwm
homepage.
![လက်ဖက်သုပ်ထဲမှာပဲဖြစ်ဖြစ်၊ အသုပ်စုံထဲမှာပဲဖြစ်ဖြစ် ကြက်သွန်ဖြူကြော် ကြွပ်ကြွပ်လေးက အဓိကပဲနော်။ ကြော်ပြီးခဏလေးနဲ့ ပြန်ပျော့သွားလို့ စိတ်ညစ်နေရတဲ့ အိမ်ရှင်မတွေနဲ့ ဟင်းချက်ဝါသနာရှင်တွေအတွက် တကြွပ်ကြွပ်နဲ့ အနံ့မွှေးမွှေးလေးဖြစ်နေစေမယ့် လျှို့ဝှက်ချက်ကို ဒီနေ့ မျှဝေပေးလိုက်ပါတယ်ရှင်။ အခုပြောပြမယ့် နည်းလမ်းလေးကတော့ ထုံးရေကြည်ကို စနစ်တကျ အသုံးပြုပြီး ဆိုင်ကဝယ်စားရသလိုမျိုး အမြဲတမ်း ကြွပ်ရွနေစေမယ့် နည်းလမ်းကောင်းလေးပဲ ဖြစ်ပါတယ်ရှင်။ ပါဝင်ပစ္စည်း အသေးစိတ် ကြက်သွန်ဖြူ - ၂၀ ကျပ်သား (အခွံနွှာပြီးသား) စားသုံးထုံး - ထမင်းစားဇွန်း ၁ ဇွန်း ရေ - ၁.၅ လီတာ (ထုံးရေဖျော်ရန်) ဆီ - (ကြက်သွန်ဖြူ မြုပ်ရုံ ပမာဏ) ပြုလုပ်ပုံ အဆင့်ဆင့် ၁။ ထုံးရေကြည် ပြင်ဆင်နည်း အရင်ဆုံး ရေ ၁.၅ လီတာထဲကို စားသုံးထုံး ထမင်းစားဇွန်း တစ်ဇွန်းထည့်ပြီး သမအောင် မွှေလိုက်ပါ။ ပြီးရင် အပေါ်ယံအရည်ကြည် ရလာတဲ့အထိ အနည်ထိုင်အောင် စိမ်ထားလိုက်ပါ။ သတိပြုရန်- အောက်ခြေမှာ အနည်ထိုင်သွားတဲ့ အနည်တွေကို လုံးဝမသုံးရပါ။ အပေါ်ယံက ကြည်လင်နေတဲ့ ထုံးရေကြည်ကိုပဲ ခပ်ယူသုံးစွဲရမှာ ဖြစ်ပါတယ်ရှင်။ ၂။ ကြက်သွန်ဖြူ ပြင်ဆင်ခြင်း ကြက်သွန်ဖြူကို အလွှာလေးတွေ ညီနေအောင် လှီးပေးပါ။ အထူအပါး ညီမှသာ ကြော်တဲ့အခါ တစ်ပြိုင်နက် ကျက်မှာ ဖြစ်ပါတယ်။ လှီးပြီးသား ကြက်သွန်ဖြူတွေကို အပေါ်က ပြင်ဆင်ထားတဲ့ ထုံးရေကြည်ထဲမှာ မိနစ် ၃၀ ခန့် စိမ်ထားပေးပါ။ ၃။ ရေစစ်ခြင်းနှင့် အစိုဓာတ်ဖယ်ရှားခြင်း မိနစ် ၃၀ ပြည့်ရင် ထုံးရေထဲက ဆယ်ယူပြီး ရေအေးနဲ့ နှစ်ထပ်၊ သုံးထပ်လောက် ပြန်ဆေးပေးပါ။ ပြီးရင် ဇကာထဲထည့်ပြီး ရေစင်အောင် စစ်ထားပါ။ ပိုပြီး ကြွပ်စေချင်ရင် ရေစစ်ထားတဲ့ ကြက်သွန်ဖြူတွေကို အဝတ်သန့် (သို့မဟုတ်) တစ်ရှူးပေါ် ဖြန့်ခင်းပြီး အစိုဓာတ်လေး ကုန်သွားအောင် နေပူမှာ (၁) နာရီလောက် ခဏ အခြောက်ခံပေးပါရှင်။ ၄။ ကြော်ခြင်း အဆင့်ဆင့် ဒယ်အိုးထဲ ဆီထည့်၊ ဆီပူလာရင် ကြက်သွန်ဖြူတွေကို ထည့်ကြော်ပါ။ မီးအပူရှိန်ကို အလယ်အလတ်မှာပဲ ထားပေးရပါမယ်။ အရေးကြီးချက်- ကြက်သွန်ဖြူတွေ တစ်ခုနဲ့တစ်ခု မကပ်စေဖို့နဲ့ အကျက်ညီစေဖို့ ယောင်းမလေးနဲ့ အမြဲမပြတ် မွှေပေးနေဖို့ လိုပါတယ်ရှင်။ ကြက်သွန်ဖြူလေးတွေ ရွှေဝါရောင် သန်းလာပြီဆိုတာနဲ့ ချက်ချင်း ဆယ်ယူလိုက်ပါ။ အပြင်ရောက်ရင် သူ့အပူနဲ့သူ အရောင် ထပ်ရင့်လာတတ်လို့ပါရှင်။ Microwave (မိုက်ခရိုဝေ့ဗ်) ဖြင့် ကြော်နည်း ၁။ ပန်းကန်တစ်ခုထဲ ဆီထည့်ပြီး မိုက်ခရိုဝေ့ဗ်ထဲ ၂ မိနစ် အပူပေးပါ။ ၂။ နေလှန်းထားတဲ့ ကြက်သွန်ဖြူတွေ ထည့်မွှေပြီး မိုက်ခရိုဝေ့ဗ်ထဲ ၁ မိနစ်ခွဲ ထပ်ပြီး အပူပေးပါ။ ၃။ ထုတ်ပြီး အကျက်ညီအောင် ဇွန်းလေးနဲ့ မွှေပေးပါ။ နောက်ထပ် ၁ မိနစ် ထပ်ပြီး အပူပေးပါ။ ၄။ တစ်ခါထုတ်မွှေပြီး နောက်ထပ် ၃၀ စက္ကန့် ထပ်ပြီး အပူပေးပါ။ အချိန်ပြည့်တော့ ထုတ်ပြီး ဆီပူလေးထဲမှာပဲ အကျက်ညီအောင် ဇွန်းလေးနဲ့ မွှေပေးလိုက်ရုံပါပဲရှင်။ ဆယ်ယူပြီးသား ကြက်သွန်ဖြူကြော်တွေကို ဆီစစ်စက္ကူ ဒါမှမဟုတ် ဇကာပေါ်မှာ ဖြန့်ပြီး အအေးခံပါ။ လုံးဝ အေးသွားပြီဆိုမှ လေလုံတဲ့ ဗူး (သို့မဟုတ်) ပုလင်းထဲ ထည့်သိမ်းပါရှင်။ ဒီနည်းအတိုင်းဆိုရင် ကြက်သွန်ဖြူကြော်က အနံ့မွှေးမွှေးလေးနဲ့ လနဲ့ချီပြီး တကြွပ်ကြွပ်နဲ့ စားလို့ကောင်းနေမှာ ဖြစ်ပါတယ်။ လက်ဖက်သုပ်၊ အသုပ်စုံတွေမှာ အားရပါးရ ထည့်စားလို့ ရပြီပေါ့။ ဒီနည်းလမ်းလေးကို သဘောကျတယ်ဆိုရင် နောက်တစ်ခါ ကြော်တဲ့အခါ စမ်းကြည့်ဖို့ share ထားလိုက်ဦးနော်။ ဒီနည်းလမ်းလေး ပျောက်မသွားအောင် 'သိမ်းထားမယ်' လို့ comment မှာ မန့်ခဲ့ပေးပါဦးရှင်။ #ကြက်သွန်ဖြူကြော် #creatorsearchinsights #foodmenuideas #စားမယ်ဝါးမယ် #အားပေးသူတိုင်းကိုကျေးဇူးတင်ပါတယ်😘😘😘 @★彡[ᴄᴏᴏᴋɪɴɢ ꜰᴏᴏᴅꜱ]彡★ @★彡[ᴄᴏᴏᴋɪɴɢ ꜰᴏᴏᴅꜱ]彡★ @★彡[ᴄᴏᴏᴋɪɴɢ ꜰᴏᴏᴅꜱ]彡★](/video/cover/7702087220882197781.webp)
