#creatorsearchinsights #EL Hachemi Guerouabi مَنْ يْبَاتْ يْرَاعِـي الآحْبَابْ آشْ هِـيَّ لاَ حْنِيـنَ وَ لاَ رْحِيمْ يَــعْـــلَمْ آشْ بِـيَّ يَا حَمَـامْ أَعْـلاَ لـِي وَاعْمَـلْ جْمِيلْ فِيَّ حَالْتُه وَ دْمُوعُه عْلَى الْخَدْ شِي غْزَايَـرْ حَالْتِي حَـالَةْ مَنْ لَبْـدَا يْبَــــاتْ سَـاهَـرْ بَـلَّغَ سْـلاَمِي يَا الْوَرْشَــــانْ لَلْجَــــزَايَـرْ آشْ حَالَةْ مَنْ غَابُوا عْلِيهْ وْجُوهْ الآحْبَابْ وَحْشْهُــمَ تْـــرَدَّدْ خَلاَّ دْمُــوعْ زرَّابْ كُلْ يَـومْ أَنْـــغَرَّدْ ونْـقُـولْ آهْ مَنْ صَابْ آشْ مَنْ زَهْوْ بْقَى لُه مَـنْ بَعْدْ زَهْوْهُمْ كِيفْ نَــهْنَى وَ الْقَلْبَ رْهِيــنْ عَـنْـدْهُمْ في الْمْنَـامَ نْــرَاهُمْ وَ نْــرَى خْيَـــالْهُــــمْ تْـبَاتْ وَ تْظَّلْ الْعَيْـنْ بَـدْمُوعْهَا سْخِيَّـــة يَـعْلاَ مَنْ يَشْرِينِي مَــــنْ بَـعْدْ شْــــرَايَا يَا حَمَـامْ أَعْــــلاَ لـِي وَاعْمَـلْ جْمِيلْ فِيَّ تَرْتْجَى مَــــنْ الآحْبَابْ وَ لَوْ خْيَالْ زَايَرْ لِكُمَ يْـوَصَّلْنِي لَلآوْكَارْ طِيـــــــــرْ طَايَــرْ بَـلَّغَ سْـلاَمِي يَا الْوَرْشَــــانْ لَلْجَــــزَايَــرْ آشْ حَالَةْ مَنْ جَرَّعْ مْنَ الفْـرَاقْ كِيسَـانْ آشْ حَـالَةْ مَنْ هُو مَكْوِي بْصَهْدْ نِــــيرَانْ آشْ حَالَةْ مَنْ ظَلَ وْ بَاتْ بِهْ سَهْــــرَانْ لَوْ يْجَــــرَّعْ بْحُورْ مَـــنْ بُـعْدْهُمْ يْدِيبْ يَـنْشَدَ عْلَى الآحْبَابْ وَ دَمَعْتُه سْكِيبْ طُـولْ عُمْـــرُه يَـــتْمَنَّى يْرَاعِـي الْحْبِيبْ لاَ حْبِيـبَ يْخَبَّــــرْ الآحْبَابْ بَـالقْضِيَّـة يَــــنْكْمَلْ مَــــرْغُوبِـــي بْـــطَلْعَة الثْرِيَّــــــة يَا حَمَـامْ أَعْـــــلاَ لـِي وَ اعْمَـلْ جْمِيلْ فِيَّ لاَ رْسُولَ يْجِينِي وَ يْجِيبْ لِي الآمَــــايَرْ وَنْعُودْ فَارَحْ هَانِي وَ الْقَلْبْ لَيْسْ حَايَرْ بَـلَّغَ سْـلاَمِي يَا الْوَرْشَــــانْ لَلْجَــــزَايَــرْ آهْ مَنْ صَـابْ الْيُــــــــومْ نَــرَى الْحْبَايَــــبْ مْنَ الْهْوَى وَ الْفَرْقَة وَ الْوَحْشْ وَالْغَرَايَبْ صَادْ لِي رِيحْ هْــــوَاهُـــمْ فِي حُــــكْمْ غَـالَـبْ ايْحُـقْ لِي نْعِيـدْ لْهُمَ جْمِيعْ مَا اجْـــــرَى رَاهُمْ ضَـرْبُـــوا بِــــــيَّ مَــــثْلِي لَلْــوْرَى قَــهَـرَ النَّــــاسْ وَ نَــــفْسِي لِـــهْ صَابْـــرَة كِيفْ نَـصْبَرْ وَ أنَا مَكْوِي مْيَــــــــاتْ كِيَّة آهْ يَا قَلْبْ أَصْبَرْ وَ اسْتَلْزَمْ الْخْفِــــــيَّـــــة يَا حَمَـامْ أَعْـــــلاَ لـِي وَ اعْمَـلْ جْمِيلْ فِيَّ وَحْشْهُمْ فِي قَلْبِي حُـرْقَة بْلاَ شْـرَايَرْ كُــــنْ للهِ فِي مَا تَلْقَــــى عَبْدْ صَــــابَـرْ بَـلَّغَ سْـلاَمِي يَا الْوَرْشَـــانْ لَلْجَــزَايَــرْ - @wassila.debbah