ဖတ်ဖြစ်အောင်ဖတ်ပါ အရမ်းကောင်းလို့ {မသွားမှီက_ရောက်နှင့်သည်} ဘုန်းဘုန်းကြီးဘုရား ... တပည့်တော် ဝတ္ထုငွေ ဆက်ကပ်လှူဒါန်းချင် လို့ပါဘုရား ။ အေး - သာဓု သာဓု သာဓု ဗျား ။ ဘာကိုများ ရည်မှန်းပြီး လှူဒါန်းသလဲ ဒကာမကြီး ။ မှန်လှပါ ။ နိဗ္ဗာန်ကို ရည်မှန်းပြီး လှူဒါန်းတာပါဘုရား ။ နိဗ္ဗာန် ရချင် ရောက်ချင်ပါတယ်ဘုရား ။ ကောင်းပါပြီ ဒကာမကြီး ။ ဆုတောင်းတာတော့ဟုတ်ပြီ ။ နိဗ္ဗာန် ဘယ်တော့ရောက်မှာလဲ ။ အဲဒါတော့ မသိပါဘုရား ။ အေး - နိဗ္ဗာန်က နောက်နောက် ဘဝတွေမှ ရောက်မှာ မဟုတ်ဘူး ။ အခုလှူရင် အခုရောက်နေတာ ဒကာမကြီး မသိလို့ ။ လှူရင် နိဗ္ဗာန်ရောက်တယ်လို့ ကြားဘူးတယ်မဟုတ်လား ။ ကြားဘူးပါတယ်ဘုရား ။ လှူရင်လှူတဲ့အခိုက်မှာ လှူတဲ့စိတ်ကလေး နိဗ္ဗာန်ရောက်နေကြတာကို မသိကြတာ ။ မသိလို့ မရောက်တာ ။ သိရင် ရောက်ပါတယ် ။ သိအောင်ကတော့ သိတဲ့သူက ဟောပြော ညွှန်ပြရင် မသိနိုင်ဘူးလား ။ သိနိုင်ပါတယ်ဘုရား ။ နိဗ္ဗာန် ရတယ် ရောက်တယ်ဆိုတဲ့ နေရာမှာ နိဗ္ဗာန်ကို အထည်ဒြပ်နဲ့ သူ့အနေ ငါ့အနေနဲ့ ရောက်ရတာမျိုး မဟုတ်ဘူး ။ အေးငြိမ်းရာဖြစ်တဲ့ နိဗ္ဗာန်နဲ့ အေးငြိမ်းတဲ့စိတ်ကလေး အာရုံ အာရမ္မနိက အားဖြင့် တွေ့တွေ့နေတာကိုပဲ နိဗ္ဗာန် ရတယ် ရောက်တယ်လို့ ပြောဆိုသုံးနှုန်းရတာပါ ။ ဒကာမကြီး ဒီဝတ္ထုပစ္စည်းတွေကိုလှူတာ ဘာကုန်သွားသလဲ ။ ငွေကုန်ပါတယ်ဘုရား ။ ဒကာမကြီး သေသေချာချာ စဉ်းစားနော် ။ ငွေက ကုန်တာမဟုတ်ဘူး ။ နေရာရွှေ့သွားတာ ။ ဒကာမကြီးလက်ထဲကနေ ဘုန်းကြီးလက်ထဲ ရွှေ့သွားတာ ။ ကုန်သွားတာမဟုတ်ဘူး ။ ကုန်တာက လောဘ ။ လောဘကုန်သွားတာ ။ ဒကာမကြီး - ဒီဝတ္ထုပစ္စည်းတွေရဲ့အပေါ်မှာ တပ်မက်နေတဲ့ လောဘ ရှိနေရင် ဒကာမကြီး လှူလို့ ရပါ့မလား ။ မရပါဘူးဘုရား ။ အေး - လောဘစွန့်ထားလို့သာ လှူနိုင်တာနော် ။ လောဘမစွန့်ရင် မလှူနိုင်ဘူး ။ ဒါဖြင့် လောဘတော့မရှိဘူး ။ ဒေါသရှိနေရင်ကော လှူလို့ရပါ့မလား ။ မရပါဘူးဘုရား ။ ဘုန်းကြီးအပေါ်မှာ ဒေါသဖြစ်နေမယ် ဆိုရင်လည်း လှူလို့မရဘူး ။ လောဘ ဒေါသကို စွန့်ထားလို့ လှူလို့ရတာ ။ "ဒါနံ စဇနလကခွဏံ" ဒါန - အလှူသည် စဇနလက္ခဏံ - စွန့်လွှတ်ခြင်းလက္ခဏာရှိ၏ တဲ့ ။ ဘာကိုစွန့်တာလဲ ။ ပစ္စည်းစွန့်တာ အားလုံးမြင်တယ်နော် ။ လောဘစွန့်တာကိုကျတော့ မြင်နိုင်ခဲကြတယ် ။ လောဘ မစွန့်ဘဲနဲ့ ပစ္စည်းမစွန့်နိုင်ဘူး ။ ဒါနဆိုတာ ပေးလှူခြင်းလို့ အဓိပ်ပါယျရတယျ ။ ဒါနံ - အလှူကို , ဒါတဗ ္ဘမေဝ - ပေးလှူအပ်သည်သာလျှင်တည်း ။ ဒါနံ - အလှူသည် ်ဘောဂသမ ္ဘဒါ - စည်းစိမ်ဥစ္စာ ပြည့်စုံခြင်းကို အဝါဟတိ - ဆောင်ရွက်တတ်၏ တဲ့ ။ လှူတယ်ဆိုတာ ကုသိုလ်တရား ။ ဒီကုသိုလ်ရဲ့အကျိုးက စည်းစိမ်ဥစ္စာ ပြည့်စုံခြင်း ဆိုတဲ့ အကျိုးကျေးဇူးရှိတယ် ။ ဒကာမကြီး တောင်းတောင်း မတောင်းတောင်း ဒီအကျိုး ကျေးဇူးကတော့ ပေးမှာပဲ ။ ဒီလိုမသိကြတော့ ဒီအလှူကိုလှူတာ ဘယ်သူလဲ ဆိုတော့ ငါ လှူတယ်လို့ ယူလိုက်တယ်။ (ဒိဋ္ဌိ - ငါ) ပေါ့ ။ ဒီအလှူရဲ့အကျိုးကို ငါ ခံစားရလိမ့်မယ်ဆိုတော့ (တဏှာ- ငါ) ပေါ့ ။ ဒီအလှူကို ငါမို့ လှူနိုင်တာဆိုတော့ (မာန - ငါ) ပေါ့ ။ လှူတာဟာ - ငါ , ငါ့အလှူရဲ့အကျိုးကို ငါ ခံစားရလိမ့်မယ် , ငါ မို့ လှူနိုင်တာ ဆိုတဲ့ အထင်မှား အမြင်မှားတဲ့ - ဒိဋ္ဌိ ငါ - ကြောင့် နတ်ပြည်ရောက်လိုက်၊ လူ့ချမ်းသာ ခံစားလိုက် ၊ အပါယ် ပြန်ဆွဲချခံရလိုက်နဲ့ ဒုက္ခသံသရာ ထဲက လွတ်မထွက်နိုင်ဘဲ ဖြစ်နေကြတယ် ။ သံသရာဝဋ်ကို လွတ်လွတ်ကျွတ်ကျွတ် ခြေနဲ့ကန် ၊ အလှူခံပုဂ္ဂိုလ်အပေါ်မှာ ချစ်ခြင်းမေတ္တာ , သနားခြင်း ဂရုဏာ , ပြည့်စုံပါစေဆိုတဲ့ စေတနာ သန့်သန့်လေးထားပြီး , နိဗ္ဗာန်ကို ရည်မှန်းပြီး လှူဒါန်းလိုက်မယ်ဆိုရင် သံသရာ မရှည်တော့ပါဘူး ။ ဒါနက သံသရာ မရှည်ပါဘူး ။ ဒီဒါနနောက်က မသိမှု ဆိုတဲ့ အဝိဇ္ဇာကြောင့် တဏှာပါပြီး ဆုတောင်းလွဲကြလို့ သံသရာ ရှည်တာပါ ။ ဒါကြောင့် - သံသရာဝဋ်မှ လွတ်ထွက်နိုင်တဲ့ ဒါန ကုသိုလ်ဖြစ်အောင် ဘုန်းကြီးက ညွှန်ပြပေးရမှာပေါ့ ။ ဒီတော့ ဒကာကြီးတို့ရဲ့ စိတ်ကို ပြန်ကြည့်ရအောင်..။ အခုလှူနေတဲ့ အခိုက်မှာ လောဘကို စွန့်ထားတဲ့အတွက် လောဘမရှိဘူး။ လောဘမရှိတော့ လောဘတွေက ခယ ဓမ္မာ ကုန်နေတယ် ၊ ဝယဓမ္မာ ပျောက်နေတယ်၊ နိရောဓ ဓမ္မာ ချုပ်နေတယ်၊ ဝိရာဂဓမ္မာ ကင်းနေတယ်။ ဒီတော့ ဒီစိတ် ဘာနဲ့နေသလဲ။ လောဘငြိမ်းတဲ့စိတ်က လောဘငြိမ်းရာကြီးနဲ့ တွေ့နေတယ်။ လောဘကုန်တဲ့စိတ်က လောဘကုန်ရာနဲ့ တွေ့နေတယ်။ အဲဒီ လောဘကုန်ရာကို ဘာခေါ်မလဲ။ (နိဗ္ဗာန်ပါဘုရား) လောဘက္ခယောတိနိဗ္ဗာနံ ဆိုတဲ ပုဒ်အရ လောဘကုန်ရာ နိဗ္ဗာန်လို့ဆိုထားတယ် ။ လောဘစွန့် ထားတဲ့အချိန်မှာ လောဘကုန်နေ လို့ တဒင်္ဂအားဖြင့် နိဗ္ဗာန်ရောက်နေတယ် အဲဒါကိုမသိကွတာ။ ဒီတော့လှူရင် နိဗ္ဗာန်ရောက်တယ်ဆိုတာမ မှန်ဘူးလား။ (မှန်ပါတယ်ဘုရား) အခု ဒကာမကြီး ဒီဝတ္ထုပစ္စည်းတွေ လှူလိုက်ပြီ ။ လှူတာက ပစ္စည်း ။ စွန့်တာက ဘာကို စွန့်တာလဲ ။ (လောဘပါ ဘုရား) ရောက်တာက ဘယ်ကိုရောက်တာလဲ ။ (နိဗ္ဗာန်ပါ ဘုရား) လှူတာကပစ္စည်း ၊ စွန့်တာကလောဘ ၊ ရောက်တာက နိဗ္ဗာန် ။ ဒါဖြင့် လှူတာနဲ့ နိဗ္ဗာန်ရောက်တာ ဘယ်ဟာက အရင်လဲ။ (လှူတာက အရင် ပါ ဘုရား) ဒကာမကြီး သေသေချာချာ ပြန်စဉ်းစားနော် ပစ္စည်းကိုစွန့်တာ ဘယ်အချိန် စွန့်တာလဲ ။ ဘုန်းကြီးလက်ထဲကို ထည့်တဲ့အချိန်ကျမှ ပစ္စည်းကိုစွန့်တာ။ လောဘကို စွန့်တာကျတော့ ဘယ်အချိန် ကတည်းက စွန့်ထားတာ - @aungaung.myint