"ငါလုပ်နိုင်တယ်" ဆိုတဲ့ မာနစိတ်လေး ထားပါ ကျွန်တော်တို့တွေဟာ အနည်းနဲ့ အများတော့ သူတပါးအပေါ် အားကိုးလိုစိတ် ရှိကြပါတယ်။ ဘဝမှာ အဆင်မပြေလို့ ရုန်းကန် ကြိုးစားနေတဲ့အချိန်မျိုးမှာ အဲ့ဒီလိုမျိုးစိတ်တွေက ပိုလို့တောင် ဝင်လာတတ်ပါသေးတယ်။ ဒါပေမယ့် အဲ့ဒီစိတ်ကို မာနက ရိုက်ချိုးလိုက်နိုင်တယ်။ " ငါလုပ်နိုင်တယ် "ဆိုတဲ့ မာနစိတ်က သူတပါးအပေါ် မှီခို အားကိုးချင်စိတ်ကို ဖျောက်ဖျက်နိုင်တယ်။ သူတပါးအပေါ် မှီခို အားကိုးချင်စိတ်ရှိနေရင် ဘယ်တော့မှ အမြင့်မရောက်ဘူး။ ရောက်ခဲ့ရင်တောင် ခဏပဲ အမှီမရှိတာနဲ့ ပြိုလဲသွားနိုင်ပါတယ်။ တကယ်တော့ လောကကြီးမှာ မင်းကို ကူညီမယ့်သူ မရှိဘူး။ ပင်ပန်းနေတယ် ဆိုရင်တောင် အချိန်ကတော့ ရပ်နေမှာ မဟုတ်ဘူး။ နေ့ရက်တွေက ဆက်ပြီး လည်ပတ်နေမှာပဲ။ လူအများစုက တစ်နေ့နေ့မှာ အရာရာက ကောင်းလာမယ် ဆိုပြီး မျှော်လင့်နေတတ်ကြပါတယ်။ ကူညီမယ့်သူကို စောင့်နေတတ်ကြတယ်။ ဒါပေမယ့် တကယ့် အမှန်တရားကတော့ ဘဝမှာ သင်ကိုယ်တိုင် ဘာမှ မလုပ်ရင် မကြိုးစားရင် ဘာမှ မပြောင်းလဲနိုင်ဘူး။ သင်က ကူညီမယ့်သူကို စောင့်နေတဲ့ အချိန်တိုင်းမှာ သင့်ရဲ့တန်ဖိုးရှိတဲ့ အချိန်တွေဟာ တဖြည်းဖြည်း ကုန်ဆုံးသွားနေတယ်။ အောင်မြင်တဲ့သူတွေကတော့ အဲ့ဒီလို မဟုတ်ဘူး။ သူတို့က ဘယ်သူ့ကို စောင့်မျှော်နေဘူး။ လုပ်စရာရှိတာကိုပဲ လုပ်နိုင်တာထက် ပိုပြီး လုပ်နေကြတယ်။ သူတို့ဟာ ဘယ်တော့မှ မရပ်ကြဘူး ဆက်သွားမြဲ သွားနေတယ်။ ပင်ပန်းတယ် စိတ်ပျက်တယ်။ ဒါပေမယ့် ဆက်သွားတယ်။ အဲ့ဒါကြောင့်ပဲ သူတို့ဟာ ပန်းတိုင်ကို ရောက်သွားကြတယ်။ အောင်မြင်သူနဲ့ ရှုံးနိမ့်သူရဲ့ မတူညီတဲ့အချက်က အဲ့ဒါပါပဲ။ ရှုံးနိမ့်သူတွေက အခက်အခဲနဲ့ ရင်ဆိုင်ရရင် ရပ်ပစ်လိုက်တယ် ကူညီမယ့်သူကို မျှော်တယ်။ အောင်မြင်သူကျတော့ အခက်အခဲနဲ့ ရင်ဆိုင်ရရင် ရပ်မပစ်ဘူး။ လဲကျလည်း ပြန်ထတယ်။ " ငါလုပ်နိုင်တယ် "ဆိုတဲ့စိတ်နဲ့ ရှေ့ဆက်တယ်။ ဘယ်သူ့ အကူအညီကိုမှ ထိုင်စောင့် မနေဘူး။ ဒါကြောင့် ဒီနေ့ကစပြီး " ငါလုပ်နိုင်တယ် "ဆိုတဲ့ မာနစိတ်လေး ထားပါ။ ကိုယ့်ဘဝကို ကိုယ်ကိုတိုင်က လွဲပြီး ဘယ်သူမှ မြှင့်တင်ပေးမှာ မဟုတ်ဘူးဆိုတာ သိထားဖို့ လိုပါတယ်။ အောင်မြင်ဖို့အတွက်က အကြီးကြီး မလိုပါဘူး သေးသေးလေးကနေပဲ စတင်လိုက်ပါ။ ဒါပေမယ့် ဘယ်တော့မှ မရပ်လိုက်ပါနဲ့။ #စာပေချစ်သူ📖📖📖📖📙📙 #🥰🥰🥰🥰🥰🥰🥰🥰🥰🥰 #📝📝📝📝📝📝📝📝📝 - @khunkyawsoe83