@rashedmhjob: انا وصلت تلاتة طلقات مع راجلي و نحن بنحب بعض شديد بس انفعالين هو مطلقني قريب العشرين مرة بس في وحدات قالو ما واقعات المهم الوقعت ٣ و تميت كده الحرام بقيت محرمة عليهو الا بمحلل و هو جاني ندمان وسافي التراب فتش مشايخ الخرطوم دي كلها عشان يلقى ثقرة ما لقى يعني الطلاق واقع واقع يلا قال لي نشوف محلل يعقد عليك و و يطلقك اتفقنا خلاص والمحلل جبناهو ود خالو واتفق معاه علي كل شي و تم الزواج و كان متفقين شهر بس و نتطلق يلا المشكلة انو انا حبيتو للزول ده والله زول جميل و رايق وطيبان شديد عكس راجلي و بشبهني في حاجات كتيرة وطبعا كنا متفقين انه ما تحصل اي حاجه ولكن حصلت و ظهر لي حمل وانا ما عايزة الطلاق وهو كمان طبعا حباني بس المشكلة زوجي كان عرف حيقتلنا نحن الاتنين و ما عارفين نكلمو كيف انو نحن حبينا بعض و اثمر حبنا عايزة افكار نقدر نواجهو بيها #جبر_الخواطر #مشاهير_التيك_توك