လွှတ် ချ ခဲ့ ပါ တယ် .......................... ပြိုကျသွားတဲ့အရာတွေကို ပြန်ကောက်ဆက်ဖို့ မကြိုးစားချင်တော့ဘူး။ ။ ဘယ်ဖိနပ်စီးသွားသွား မနီးတော့မယ့် ခရီးတွေဆီ ဘယ်ရထားစီးသွားသွား မဆိုက်တော့မယ့်ဘူတာတွေဆီကိုလည်း ရောက်ဖို့မကြိုးစားချင်တော့ဘူး။ ။ အားငယ်ရမယ့်ရပ်ဝန်းတွေဆီကိုလည်း ခြေဦးမလှည့်ချင်တော့သလို အမြဲတစ်ဖတ်သက်ဆန်နေတဲ့ ဆက်ဆံရေးတွေကိုလည်း ကိုယ့်ဘက်စပြီး ဖြတ်တောက်သွားမှာပါ။ ။ ကိုယ်တို့အားလုံးရဲ့ဘဝမှာ မထင်မှတ်ပဲ ရလာတတ်တဲ့ပျော်စရာတွေရှိသလို မထင်မှတ်ပဲ ရလာတဲ့ဝမ်းနည်းစရာတွေလဲရှိတယ်။ ။ ခေါ်စရာမလိုပဲ ရောက်လာတတ်တဲ့သူတွေရှိသလို မနှင်ထုက်ပဲ ထွက်သွားတဲ့သူတွေလည်းရှိပါတယ်။ ။ ဒါက အဆန်းတော့မဟုတ်ပါဘူး ဆန်းတာက ဘဝထဲခဏတာ အလည်လာတဲ့ဧည့်သည်တွေကို နှလုံးသားနဲ့ဧည့်ခံ ဘဝနဲ့ရင်းပြီး ဧည့်ဝတ်ကျေချင်ခဲ့ကြတဲ့ ကိုယ်တို့လိုလူတွေကသာ ဆန်းတာပါ။ ။ စစ်မှန်မယ်ဆိုတဲ့အထင်နဲ့ အလေးအနက်တွေ ထားခဲ့ကြ နားလည်လာမှာပဲလေဆိုတဲ့ မျော်လင့်ချက်နဲ့ သည်းခံပြီး ခွင့်လွှတ်ပေးခဲ့ကြ တစ်သက်လုံးဆိုတဲ့အထင်နဲ့ ခံစားချက်တွေနဲ့ တည်ဆောက်ခဲ့ကြ။ ။ တကယ်ဆို ကိုယ့်ဘဝလေးနဲ့ကိုယ် အေးဆေးစွာနေထိုင်ခဲ့သင့်တာ သံစဥ်တစ်ကြောင်း တိမ်တစ်အုပ် ကဗျာတစ်ပုဒ် ကော်ဖီတစ်ခွက် ကိုယ့်မှာရှိနေတဲ့ ရပိုင်ခွင့်တစ်ချို့နဲ့လည်း ဘဝကို ကျေနပ်တတ်ခဲ့သင့်တာမဟုတ်လား။ ။ နောက်ဆို မြင်ကွင်းတွေကို ရွေးပါတော့မယ်။ ။ မျက်စိအောက်တင် ခဏလေးပျောက်သွားမယ့်အရာတွေဆိုရင်တော့ ဘဝနဲ့ရင်းပြီး မငေးတော့ပါဘူး။ ။ ဘဝက ဖန်ပုလင်းသေးသေးလေး တစ်လုံးပဲဆိုပါစို့။ ။ ပျော်စရာတွေအများကြီးထည့်ပြီး မစုဆောင်း မသိမ်းဆည်းနိုင်ခဲ့ပေမယ့် နာကျင်ကွဲအက်စရာတွေကိုတော့ ကိုယ်အပြီးလွှတ်ချခဲ့ပါတယ် ။ P'erson 🌸#creatorsearchinsight #Crd text စာတို#အရှင်ဇဝနသူ့စိတ်ကြိုက်စာပေများ# - @zeno.daisy