ကျွန်တော့်ကို ပစ်ထားရတာ ပျော်လား ... တစ်ခုခုဆို သိပ်ဂရုစိုက်ခံချင်တဲ့ ကျွန်တော်ကလေ ပစ်ထားတဲ့ ခင်ဗျားကိုမှ ပိုးစိုးပက်စက်ချစ်မိတယ် ။ ဒါနဲ့ တစ်ခုပဲ မေးချင်နေမိတာပါ ။ ကျွန်တော့်ကို ပစ်ထားရတာ ပျော်လား ။ မျက်ရည်တွေနဲ့ မြင်သားကျနေတဲ့ ကျွန်တော့ကို ငေးကြည့်နေရတာကော ပျော်လား ။ ကျေနပ်မှုမှ ရှိရဲ့လားလို့ တစ်ခါတစ်လေကျတော့ မျက်လုံးကို စေ့စေ့ကြည့်ပြီး မေးချင်နေမိတယ် ။ တစ်ရက်မှာ ၂၄ နာရီရှိတယ်မဟုတ်လား ။ ကျွန်တော်က ရှိတဲ့ ၂၄ နာရီလုံးမှာ ခင်ဗျား အတွက်ဆိုပြီး အချိန်တွေ အများကြီးကို ဖဲ့ပေးထားတာလေ ။ မအားသေးလို့နော်တဲ့ ဒီစကားလေးတစ်ခွန်းကို ခင်ဗျားက ကျွန်တော့ကို အကြိမ်ကြိမ်ပြောခဲ့ဖူးတယ် ပြီးတော့ အဲ့ဒီစကားနဲ့ အကြိမ်ကြိမ် ပစ်ထားခဲ့ဖူးတယ် ။ တစ်ခါတစ်လေ ဖုန်းအားသွင်းနေတာလေးကအစ အဆင်မပြေဘူးဆိုတဲ့ စကားလေးပဲ သုံးတာပဲ မဟုတ်လား ။ ပြန်ငေးကြည့်ရင် ... အားသွင်းကြိုးတန်းလန်းနဲ့ ခင်ဗျားခေါ်တဲ့ ဖုန်းကို ပျော်ပျော်ကြီးပြောနေတဲ့ ခပ်တုံးတုံး လူတစ်ယောက်ကို တွေ့တယ် ။ ထမင်းစားနေရင်းနဲ့ စကားပြောမပျက်တဲ့ ခပ်ရူးရူး လူတစ်ယောက်ကို တွေ့တယ် ။ အကြောင်းပြချက်တွေ အများကြီးရှိရင်တောင် မအားဘူးဆိုတဲ့စကားနဲ့ ခင်ဗျားနဲ့ အတူကုန်ဆုံးရမယ့် အချိန်တွေကို မလဲခဲ့ဘူးလေ ။ ဒါပေမယ့် ခင်ဗျားကျတော့ ဆန့်ကျင်ဖက်ပဲတွေးတယ် ။ စောအိပ်ချင်လို့နော် ... မအားလို့နော် အရေးကြီးလို့နော် ပြီးမှ ပြန်ခေါ်မယ်နော် သူငယ်ချင်းတွေနဲ့မို့နော် ။ စကားတွေ အများကြီးပြောရင် ကျွန်တော်ကပဲ နားမလည်ဘူး ဖြစ်ဦးမယ် နားလည်မပေးဘူးဖြစ်ဦးမယ် ။ တကယ်တမ်းကျတော့ တစ်ခါတစ်လေလောက်လေးပဲ ကျွန်တော့်အတွက်ဆို မအားတဲ့ကြားက သတိရနေပေးတာ လိုချင်တာပါ ။ အားနေတဲ့ကြားက တမင်သက်သက်ကြီး ပစ်ထားခံရတာမျိုးကျတော့ ပြန်ကြားရတဲ့အခါတိုင်း ငါ အ လိုက်တာဆိုပြီး ကိုယ့်ကိုယ်ကိုယ် အပြစ်တွေ တင်နေမိတယ် ။ ဒါနဲ့လေ တစ်ခုမေးမလို့ ... ခင်ဗျားပစ်ထားလို့ဆိုပြီး မပျော်တဲ့လူတစ်ယောက်ကို ပျော်အောင်ထားပေးချင်တယ်ဆိုတဲ့ စကားလုံးနဲ့ အိပ်မက်တွေ ပေးရတာ ပျော်ရဲ့လား ။ ဒါမှမဟုတ် ပစ်ထားရတာ ပျော်ရဲ့လား ။ ပျော်နေတယ်ဆိုရင်လဲ ဒီတိုင်းလေးပဲ ထားပါ ။ ကျွန်တော်ကတော့ ခင်ဗျားပစ်ထားတယ်လို့ ခံစားမိတဲ့အခါတိုင်း နေလို့ မပျော်ဘူး - @ko.ko45753