@chawamata_tv: VIDEO: Mbunge wa Jimbo la Mlalo kupitia chama cha CCM, Rashidi Shangazi, amesema madereva wengi wa malori nchini wanaofanya kazi ya kusafirisha mizigo hawana mikataba rasmi ya ajira, hali ambayo inawanyima uwezo wa kutetea maslahi yao wanapokumbana na changamoto kazini. Akichangia mjadala wa bajeti ya Wizara ya Uchukuzi bungeni, Shangazi amesema madereva hao husafirisha mizigo yenye thamani kubwa kutoka bandarini kwenda maeneo mbalimbali ndani na nje ya nchi, lakini bado hawapati stahiki zao za msingi kutokana na kukosekana kwa mikataba ya kazi. Amesema kukosekana kwa mfumo rasmi wa ajira kwa madereva hao kunaikosesha hata Serikali mapato ya kodi kwa sababu wengi wao wanakuwa hawatambuliki rasmi kwenye mifumo ya ajira na kodi. Mbunge huyo ameishauri Land Transport Regulatory Authority pamoja na Wizara ya Mambo ya Ndani ya Nchi kukaa pamoja na kutafuta suluhisho la kudumu kuhusu changamoto hiyo ili madereva waweze kutambulika rasmi na kulindwa kisheria. Katika hatua nyingine, Shangazi amehoji gharama wanazobeba madereva ili kupata sifa za kuendesha malori makubwa, akieleza kuwa ili dereva aweze kupata leseni ya daraja E analazimika kuwa na daraja C pamoja na kuhudhuria mafunzo maalum kwa muda wa siku 14. Amesema mafunzo hayo yanahitaji dereva kulipa takribani shilingi laki tatu, jambo ambalo limekuwa gumu kwa wengi wao kutokana na kutokuwa na ajira rasmi wala mishahara ya uhakika. “Dereva huyu hana mkataba wa kazi, hana mshahara wa uhakika, anatakiwa kukaa darasani siku 14 na bado alipe shilingi laki tatu. Fedha hizo atazitoa wapi?” amehoji Shangazi bungeni. #ChawamataTV #10KFollowers #Asanteni #DarEsSalaam #Tanzania #Bongo #Habari #HabariLeo #BreakingNewsTZ #TanzaniaNews #BongoUpdates #TzUpdates #TzNews #BongoMedia #MediaTanzania #OnlineTV #TrendingTZ #TanzaniaTrending #ViralTZ #TeamChawamata #SupportLocal #MadeInTanzania #RoadTo100K #tanzaniatiktok

CHAWAMATA TV

Open In TikTok:

Region: TZ

Wednesday 13 May 2026 11:32:06 GMT