سالفه ورباط سالفتنه يقال في سالف الزمان إن أحد الشيوخ كان ذكي جداً وكان لايغزوا أي قبيلة حتى يستخبر عنها جيداً ويجري مقدما لها إختبار بسيط وهي بأرسال مرسال من جانبه إلى العشيرة التي يريد غزوها والسيطرة عليها واخضاعها لإمارتة وهذا المرسال فقط يكتفي بكلمتين وهي أن الشيخ فلان سوف يغزوكم عن قريب ويسكت وعندما يرجع هذا المرسال إلى الشيخ فيقول له ماذا رأيت وسمعت ففي مرة من المرات قال المرسال للشيخ أن جواب العشيره الفلانية هو أنهم سيصدونك فقال له الشيخ هل سمعت هذا من شيخهم أو من الكل فقال له المرسال محفوظ تريد الصدك أشو شبجت علي كله تتكلم وهذا يكول كذا وهذا يكول كذا وتخالفوا وين يحاربون وماعرفت منو شيخهم فقال له الشيخ إذا هانت وهاي العشيرة سهل السيطرة عليها لأن كلهم شيوخ وماعدهم شيخ واحد وماعدهم قياده واحده وقام بغزوهم وفي أحد الأيام أرسل الشيخ مرسال إلى شيخ أخر من الشيوخ وهم كله محفوظ ترى الشيخ الفلاني راح يغزيكم عن قريب فالشيخ كان عنده فراسة وعرف هذا الشخص بأنه مرسال وجاي يجس النبض فسكت الشيخ فترة طويلة والديوان كله ساكت وياه وبعد فتره أخرج أفعى أحنا نسميها بالعامية العربيد كان خالها بقارورة فطلع العربيد من القاروره وذبه وسط الديوان والديوان والرجال ولا أحد منهم تنفس ولا صرخ وﻻخاف فرجع المرسال وكل للشيخ بهلسالفه كلها كله ولك شنو هذا الكلام معقوله ؟ كله مثل ماسمعت محفوظ أولا ولا واحد من الديوان تكلم كلمه واحده والشيخ ساكت وثانياً الشيخ طلع العربيد وذبه بنصف المظيف ولا شفت واحد منهم طفر أو تكلم كلمة واحدة فكال الشيخ هؤلاء يصعب غزوهم لأن طاعتهم لقيادة واحدة وماكو راي غير رأي شيخ واحد حتى وإن العربيد تصدر بديوانهم. رباط السالفة : إحنا اليوم كلها صارت قاده ويأمرون وينهون إذا العشيره كلها صارت شيوخ وميسمعون كلام أحد فتغرق وتتحطم وتضيع وتشتت ويسهل أصطيادها من قبل الأعداء بكل سهوله...... - @vnfiv2